Amagare: Ikipe y’u Rwanda yitabiriye Tour  du Cameroun 2022

  • Imvaho Nshya
  • Kamena 3, 2022
  • Hashize imyaka 2
Image

Taliki 04-06-2022

Douala-Douala (123,3 km)

Taliki 05-06-2022

Yaounde-Ayos (118,8 km)

Taliki 06-06-2022

Obala-Ndikinimeki (152 km)

Taliki 07-06-2022

Bangangte-Bangangte (129 km)

Taliki08-06-2022

Loum-Limbe (129,9 km)

Taliki 09-06-2022

Douala-Kribi (156,6 km)

Taliki 11-06-2022

Boumnyebel-Mbalmayo (112,2 km)

Taliki 12-06-2022

Ebolowa-Yaounde (149 km)

Ikipe y’u Rwanda mu mukino w’amagare  iri muri Cameroun aho yitabiriye isiganwa mpuzamahanga “Tour du Cameroun 2022” rizatangira kuri uyu wa Gatandatu taliki 04  rikazasozwa  12 Kamena 2022.

Iri siganwa ikipe y’u Rwanda yaherukaga  kuryitabira muri 2019 ubwo  Byukusenge Patrick yasorezaga ku mwanya wa 3 ku rutonde rusange. Gusa muri 2018, Uwizeyimana Bonaventure yegukanye iri siganwa.

Abakinnyi 6 ni bo  baserukiye u Rwanda muri  Tour du Cameroun 2022 barimo Mugisha Moïse ukinira ikipe ya Pro Touch muri Afurika y’Epfo akaba  yaregukanye irindi siganwa ribera muri Cameroun “Grand Prix Chantal Biya 2020”. Hari kandi Nzafashwanayo Jean Claude, Munyaneza Didier, Muhoza Eric, Niyonkuru Samuel na Tuyizere Etienne.

Iyi kipe iri kumwe na Sempoma Felix nk’umutoza mukuru, Ruvogera Obed ushinzwe kunanura imitsi abakinnyi n’umukanishi, Maniriho Eric.

Iri siganwa rigiye kuba ku nshuro ya 18  ryaherukaga  muri 2019 kuko muri 2020 na 2021 nta bwo ryabaye kubera COVID-19. Uyu mwaka biteganyijwe ko rizitabirwa n’abakinnyi 60 baturutse mu makipe 10 aho bazasiganwa intera 8 basoze basiganwe kilometero 1090,8.

  • Imvaho Nshya
  • Kamena 3, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE