Al-Hilal Benghazi yasezereye Rayon Sports igera mu matsinda

  • Imvaho Nshya
  • Nzeri 30, 2023
  • Hashize amezi 8
Image

Ikipe ya Rayon sport yasezerewe na Al Al-Hilal Benghazi yo muri Libya iyitsinze Penaliti 4 kuri 2 nyuma yo kuganya igitego kimwe kuri kimwe mu mukino wo kwishyura wa CAF confederations Cup itageza mu matsinda.

Uyu mukino wahuje Rayon Sports na Al-Hilal Benghazi wabereye kuri Kigali Pele Stadium, kuri uyu wa Gatandatu, Tariki 30 Nzeri 2023.

Rayon Sports yagiye gukina uyu mukino yaranganyije umukino ubanza igitego kimwe kuri kimwe isabwa kuganya ubusa ku busa ngo ibone itike y’amatsinda yaherukagamo muri 2018.

Umukino ugitangira ku isegonda rya 40 Al-Hilal Benghazi yabonye igitego cya mbere ku mupira wakuweho nabi na Rwatubyaye, ushyirwa mu izamu na Faisal wari hafi.

Iminota 20 ya mbere yagoye cyane abasore ba Rayon Sports binjiye mu mukino wabatinze.

Al-Hilal Benghazi yakomeje kwiharira umupira ku munota wa 12′ Faisal Saleh yahawe umupira ari mu rubuga rw’amahina, awuteye mu izamu, ku bw’amahirwe ya Rayon Sports ujya ku ruhande.

Rayon sport yaje kwinjira mu mukino ibifashijwemo n’umurindi w’abafana bari buzuye Kigali Pele Stadium abakinnyi nka Luvumbu na Ojera batangira gusatira izamu rya Al-Hilal Benghazi.

Ku munota wa 38′ Rayon Sports yabonye igitego cyo kwishyura cyishyuwe na Joackiam Ojera watsindishije umutwe ku mupira wari uhinduwe na Luvumbu.

Umurindi ni wose ku bafana ba Rayon Sports bose bahagurutse nyuma y’uko ikipe yabo yishyuye.

Rayon sport yakomeje gusatira ishaka igitego cya kabiri ari na ko abakinnyi ba Al-Hilal Benghazi bicara hasi bashaka gutinza iminota.

Igice cya mbere cyarangiye amakipe yombi Yanganyije igitego kimwe kuri kimwe.

Mugice cya kabiri Rayon Sports yatangiranye impinduka maze Charles Bbaale asimbura Musa Esenu utagaraye cyane mugice  cya mbere.

Rayon sport yatangiye iki give yataka cyane ku munota wa 47′ Luvumbu yahawe umupira muremure yafungiye mu rubuga rw’amahina, awuhinduye imbere y’izamu habura mugenzi we uwukina.

Rayon sport yongeye ku bura amahirwe y’igitego ku munota wa 60′ nyuma yaho  Umunyezamu Khleid yarokoye ikipe ye ku mupira wari ugiye kwitsindwa na mugenzi we, awushyira muri koruneri.

Rayon sport gushaka igitego binyuze muri Luvumbu na Joackiam Ojera ariko amahirwe ababura.

Umukino warangiye amakipe yombi anganya igitego 1-1, byatumye biba ibitego 2-2 mu mikino yombi.

Kunganya kw’amakipe yombi byatumye hitabazwa za penaliti.

Rayon sport n iyo yatangiye itera Penaliti ya mbere  yatewe na Kalisa Richard igakurwamo n’umuzamu, Faisal Saleh ateye penaliti ya mbere ya Al-Hilal SC, ayinjiza neza nubwo Adolphe yari yakurikiye, Rayon Sports yahuje Penaliti ya kabiri yatewe na Mugisha Francois agakubita  umutambiko,  Ahmed Mohamed ateye penaliti ya kabiri ya Al-Hilal, Nsabimana Aimable yinjije neza penaliti ya gatatu ya Rayon Sports, ateye neza, umunyezamu,  Mohammed yatsinze penaliti ya gatatu ya Al-Hilal Benghazi, Charles Bbaale ateye neza penaliti ya kane ya Rayon Sports biba Penaliti 2_3 , Al-Hilal yatsinze Penaliti ya Kane yatewe na Ahmed Aljaddawi birangira Rayon Sports itsizwe Penaliti 4 kuri 2.

Gutsindwa Penaliti 4 kuri 2 byatumye Rayon Sports isezererwa na Al-Hilal Benghazi mu ijonjora rya nyuma muri CAF Confederation Cup ibura itike yo gukina imikino ya matsinda.

Rayon Sports yashakaga gusubiramo amateka yakoze mu 2018 aho yageze mu matsinda, ikaharenga, ikagarukira muri 1/4.

  • Imvaho Nshya
  • Nzeri 30, 2023
  • Hashize amezi 8
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE