Mikel Arteta utoza Arsenal yongereye amaserano

Umunya–Espagne Mikel Arteta utoza ikipe ya Arsenal yongereye masezerano ho imyaka itatu akiri muri iyi kipe kugeza mu 2027.

Arteta wari usigaje amezi 12 ku masezerano yari afite, agiye kuba umutoza wa mbere uhembwa neza mu mateka y’Arsenal aho umushahara we uzaba uri hafi ya miliyoni 20 z’amapawundi zihabwa Pep Guardiola buri mwaka muri Manchester City.

Mikel Arteta yagizwe umutoza wa Arsenal mu Ukuboza mu 2019 Unai Emery wari umaze kwirukanwa kubera umusaruro muke.

Arteta yafashije Arsenal kwegukana igikombe cya FA Cup mu 2020 ndetse atwara Community Schield ebyiri, ari zo iya 2020 na 2023.

Arteta kandi yongeye kugararu Arsenal mu mukino ya UEFA Champions League nyuma y’imyaka irindwi ndetse iyifasha kongera guhanganira igikombe cya shampiyona mu myaka ibiri ishize nubwo atigeze yegukana igikombe.