Sobanukirwa amateka y’umukinnyi wa Handball Elohim Prandi

Elohim Prandi ni Umufaransa, akaba umukinnyi wa Handball. Yavutse ku ya 24 Kanama 1998 i Istres, ni umuhungu wa Mézuela Servier wahoze ari kapiteni w’ikipe y’abagore y’Abafaransa na Raoul Prandi.

Akinira ikipe ya Paris-Saint-Germain nk’umukinnyi mpuzamahanga wa Handball, agakinira inyuma ku ruhande rw’ibumoso.

Imyitozo ye muri Club yatangiriye muri US Ivry na Daniel Hager. Yatangiye gukina atarageza ku myaka 18 y’amavuko. Yatoranyijwe mu makipe y’urubyiruko n’Abafaransa mu 2015.

Urugendo rwe muri uyu umwuga ntiwari usanzwe kuva yatangira yabaye uwahize abandi muri Shampiyona y’u Burayi mu 2016, yigaragaje ku rwego rw’Isi mu mwaka wa 2017 ndetse ahiga bagenzi be mu bato ku Isi mu 2019.

Mu 2017, umukinnyi Elohim yinjiye muri USAM Nîmes Gard asinya amasezerano ye ya mbere y’umwuga. Hanyuma muri Nyakanga 2019, yasinyanye amasezerano na Paris Saint-Germain muri shampiyona ya 2020–2021. Mu 2020, Elohim Prandi yitabiriye imikino ya nyuma ya Champions League 2019–2020, isubikwa kubera Covid-19.

Muri Kamena 2023, ubwo umukino wabahuzaga na Handball Club de Nantes, Elohim yavunitse ukuboko kw’ibumoso. Ku ya 1 Mutarama 2022, Elohim Prandi yatewe icyuma mu mugongo inshuro 6, ubwo hizihizwaga ijoro ry’umwaka mushya i Paris ariko akurikiranirwa kwa muganga, aravurwa

Muri kimwe cya kabiri cy’irangiza cya Euro 2024 na Suwede, baranganyije ku isegonda ya nyuma. Elohim Prandi ni umwe mu bakinnyi 23 batoranyijwe guhagararira ikipe ya Handball yo mu Bufaransa mu mikino Olempike ya Paris 2024.