Shampiyona  y’icyiciro  cya mbere igeze ku munsi wa 24

Taliki 22-04-2022

Gorilla FC-Gasogi United (Regional-15h00)

Espoir FC-Rutsiro FC (Rusizi-15h00)

Taliki 23-04-2022

Etoile de l’Est-Bugesera FC (Ngoma-15h00)

Rayon Sports-AS Kigali (Regional-15h00)

Etincelles FC-Police FC (Rubavu-15h00)

Musanze FC-Gicumbi FC (Musanze-15h00)

Taliki 24-04-2022

APR FC-Marines FC (Regional-12h30)

Kiyovu-Mukura (Regional-15h00)

Mu mpera z’iki cyumweru  guhera kuri uyu wa Gatanu taliki 22 Mata kugeza 24 Mata 2022 hateganyijwe imikino ya shampiyona y’icyiciro cya mbere mu bagabo “Rwanda Primus National League 2021-2022”  aho igeze ku munsi wa 24.

Imikino iteganyijwe kuri uyu wa Gatanu taliki 22 Mata 2022, ikipe ya Gorilla FC nyuma yo gutsindwa na Rayon Sports mu mukino w’umunsi wa 23 irakira Gasogi United yatsinze ikipe ya Kiyovu. Uyu mukino urabera kuri Sitade ya Kigali i Nyamirambo saa cyenda (15h00).

Undi mukino uteganyijwe urabera i Rusizi aho ikipe ta Espoir C yakira Rutsiro FC. Ku mukino w’umunsi wa 23 izi kipe zombi zitwaye neza, Espoir FC yatsinze Mukura naho Rutsiro FC itsinda Etoile de l’Est FC.

Imikino ya shampiyona izakomeza ku wa Gatandatu taliki 23 Mata 2022 aho Etoile de l’Est izakira Bugesera FC i Ngoma (15h00), Rayon Sports ikine na AS Kigali  kuri Sitade ya Kigali i Nyamirambo (15h00), Etincelles FC yakire Police FC kuri Sitade Rubavu (15h00) naho Musanze FC ikine na Gicumbi FC i Musanze (15h00).

Imikino ya shampiyona y’umunsi wa 24 izasozwa ku Cyumweru taliki 24 Mata 2022 ahateganyijwe imikino 2. Ikipe ya APR FC iyoboye urutonde ubu izakira Marines FC (12h30) naho Kiyovu yakire Mukura (15h00). Iyi mikino yombi izabera kuri Sitade ya Kigali i Nyamirambo (15h00).

Mbere y’imikino y’umunsi wa 23, ikipe ya APR FC ni yo iyoboye urutonde rwa shampiyona by’agateganyo n’amanota 51, ikurikiwe na Kiyovu n’amanota 50 naho ku mwanya wa 3 hari Mukura n’amanota 38 inganya na Rayon Sports iri ku mwanya wa 4. Ku mwanya wa 5 hari AS Kigali (37), Police FC (35), Musanze FC (32), Espoir FC (30), Marines FC (29), Gasogi United (26), Rutsiro FC (24), Bugesera FC (23), Etincelles FC (22), Gorilla FC 921), Etoile de l’Est FC (20) naho ku mwanya wa nyuma wa 16 hari Gicumbi FC n’amanota 16.