U Buhinde: bwamaganye amagambo y’u Budage n’Amerika anenga ubutabera

U Buhinde: bwamaganye amagambo y’u Budage n’Amerika anenga ubutabera

Leta y’u Buhinde yamaganye bikomeye amagambo yavuzwe na Leta zunze ubumwe  z’Amerika n’ u Budage ku ifatwa ry’umuyobozi w’ishyaka AAP ritavuga rumwe n’ubutegetsi, Arvind Kejriwal, ushinjwa ruswa.

U Buhinde bwavuze ko inzira z’amategeko zishingiye ku bucamanza bwigenga bwiyemeje gukora ibiciye mu mucyo kandi bugakorera ku gihe.

Aljazeera yatangaje ko Minisiteri y’Ububanyi n’Amahanga y’iki gihugu yavuze ko ibyo Amerika n’u Budage  bivuga nta shingiro bifite.

Ku wa Mbere w’iki Cyumweru, Umuvugizi wa Minisiteri y’Ububanyi n’Amahanga y’Amerika yavuze ko ikurikiranira hafi amakuru y’ifatwa ry’utavuga rumwe n’ubutegetsi, Kejriwal Arvind.

Ni amagambo y’Amerika yaje nyuma y’andi asa nkayo u Budage bwatangaje bugira inama u Buhinde  ku ifatwa rya Kejriwal.

Kejriwal yatawe muri yombi n’ikigo cy’iperereza cy’u Buhinde mu cyumweru gishize ashinjwa ruswa.

Ishyaka rye ryitwa “Aam Aadmi Party, (AAP)”, ryahakanye iki kirego rivuga ko ari igihimbano ndetse n’urubanza rwahimbwe.

Umuvugizi wa Minisiteri y’Ububanyi n’Amahanga w’u Budage , Sebastian Fischer, ku wa Gatanu w’icyumweru gishize yabwiye itangazamakuru ko ibyo  Kejriwal ashinjwa bigomba guca mu mucyo akabona ubutabera nyabwo.

Ku wa Gatandatu, Minisiteri y’Ububanyi n’Amahanga y’u Buhinde yo yavuze ko New Delhi yanmagaye bikomeye ibyavuzwe n’u Budage ko ari ugushaka kwivanga mu mikorere y’ubutabera ndetse n’ubwigenge bw’u Buhinde.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Amikoro make akomeje kudindiza imishinga ya ba rwiyemezamirimo bato 21 Ugushyingo 2026 Saa 07:04
  2. Hatangajwe inzira za Tour du Rwanda 2027 ifite umwihariko udasanzwe 20 Ugushyingo 2026 Saa 22:14
  3. Abafite imishinga myiza bahanganiye ibihembo bya Africa’s Business Heroes 20 Ugushyingo 2026 Saa 18:08
  4. Huye: Ibikorwa remezo by’imyidagaduro byafunguriye urubyiruko amahirwe i Mbazi 20 Ugushyingo 2026 Saa 17:04
  5. Afurika y’Epfo: Abagore hafi 600 bishwe mu mezi atatu gusa 20 Ugushyingo 2026 Saa 16:53