Cricket: Ikipe y’u Rwanda igiye gukina umukino wa gatatu muri “Victoria Series 2023”

Kenya 45-146 Tanzania

Uganda 99-98 UAE

Taliki 21-04-2023

Uganda -Tanzania (8h30)

Rwanda-UAE (12h50)

Irushanwa mpuzamahanga “Victoria Series 2023” ririmo kubera i Kampala muri Uganda ku kibuga cya “Lugogo Cricket Oval” kuva taliki 18 Werurwe 2023 rirakomeje aho imikino igeze ku munsi wayo wa 4.

Kuri uyu wa Gatanu taliki 21 Mata 2023 hateganyijwe ibiri aho ikipe ya Uganda ikina na Tanzania naho ikipe y’u Rwanda ikine na UAE. Aya makipe yombi agiye gukina umukino wa gatatu. Ikipe y’u Rwanda mu mikino ibiri iheruka yatsinze umukino umwe itsindwa undi.

Uko imikino y’umunsi wa gatatu yagenze

Taliki 20 Mata 2023 ni bwo habaye imikino y’umunsi wa gatatu aho ikipe ya Tanzania yatsinze Kenya. Iyi kipe ya Kenya ikaba imaze gutsindwa imikino 3.

Undi mukino wabaye, ikipe ya Uganda yatsinze UAE. Iyi mikino yombi yabereye  ku kibuga cya “Lugogo Cricket Oval”.

Uko urutonde ruhagaze

Nyuma y’imikino y’umunsi wa gatatu, ikipe ya Tanzania ni yo iyoboye urutonde n’amanota 4 inganya na Uganda iri ku mwanya wa kabiri. Ikipe y’u Rwanda iri ku mwanya wa gatatu n’amanota 2 inganya na UAE iri ku mwanya wa  kane naho ikipe ya Kenya iri ku mwanya wa nyuma wa  5  aho nta nota na rimwe ifite.