Taliki 14-03-2023
Kwara Falcons- Stade Malien (Dakar Arena-18h00)
ABC Fighters-REG BBC (Dakar Arena-21h30)
Kuva taliki 11 Werurwe 2023 i Dakar muri Senegal harimo kubera imikino y’amajonjora yo mu itsinda A “Sahara Conference” mu mikino y’Afurika “Basketball Africa League (BAL 2023)”.
Iri tsinda rigizwe na ABC Fighters (Côte d’Ivoire), AS Douanes (Senegal), Kwara Falcons (Nigeria), REG BBC (Rwanda), Stade Malien (Mali) na US Monastir (Tunisia).
Ikipe ya REG BBC ihagarariye u Rwanda nyuma yo kwitwara neza igatsinda umukino wa mbere, kuri uyu wa Kabiri taliki 14 Werurwe 2023 irakina umukino wa kabiri na ABC Fighters yo muri Cote d’Ivoire, umukino uteganyijwe saa moya n’igice (19h30) i Dakar akaba ari saa tatu n’igice (21h30) i Kigali.
Mu mukino wa mbere, ikipe ya REG BBC yitwaye neza itsinda Kwara Falcons yo muri Nigeria amanota 64 kuri 48 naho ikipe ya ABC Fighters itsinda AS Douanes yo muri Senegal amanota 76 kuri 70.
Undi mukino uteganyijwe, ikipe ya Kwara Falcons yo irakina na Stade Malien yo muri Mali. Umukino uteganyijwe saa kumi (16h00) i Dakar akaba ari saa kumi n’ebyiri (18h00) i Kigali.
Ku mukino wa mbere, Kwara Falcons yatsinzwe na REG BBC naho ikipe ya Stade Malien itsindwa na US Monastir yo muri Tunisia amanota 78 kuri 68.
