Taliki 11-03-2023
Indatwa Hampshire -Gahanga Queens (Gahanga-9h00)
Charity CC-Indatwa Hampshire (Gahanga-11h30)
Sorwathe CC-Charity CC (Gahanga-13h45)
Taliki 12-03-2023
Gahanga Queens-White Clouds (Gahanga-9h30)
Mu mpera z’iki Cyumweru taliki 11 na 12 Werurwe 2023 ni bwo hasozwa irushanwa “Dafabet RCA T10 Women’s Tournament 2023” ryateguwe n’ishyirahamwe ry’umukino wa Cricket mu Rwanda “RCA” ku bufatanye na Dafabet.
Iri rushanwa ryatangiye taliki 04 Werurwe 2023 ryitabiriwe n’amakipe 5 yo mu cyiciro cya mbere mu bagore rikaba ribera kuri Sitade Mpuzamahanga ya Gahanga.
Imikino iteganyijwe ku munsi wa 3 ubanziriza uwa nyuma, kuri iyu wa Gatandatu, taliki 11 Werurwe 2023, ikipe ya Indatwa Hampshire irakina na Gahanga Queens (9h00), Charity CC ikine na Indatwa Hampshire (11h30) nyuma Sorwathe CC na Charity CC (13h45).
Ku munsi wa nyuma w’iri rushanwa, taliki 12 Werurwe 2023, ikipe ya Gahanga Queens izakina na White Clouds (9h30).
Nyuma hazabe umukino wo guhatanira igikombe uzahuza ikipe ya mbere n’iya kabiri ku rutonde. Umukino uzatangira saa saba n’igice (13h30).
Mbere y’imikino , ikipe ya Indatwa Hampshire CC ni yo iyoboye urutonde n’amanota 4, ikurikiwe na Sorwathe CC na yo ifite amanota 4, ikipe ya Charity CC iri ku mwanya wa 3 n’amanota 2 inganya na Gahanga Queens CC naho ku mwanya wa nyuma wa 5 hari White Clouds CC ifite ubusa.
