U-18
Zambia 16-55 Nigeria
Congo Brazzaville 20-31 Guinea
U-20
Guinea 52-34 Rwanda
Nigeria 50-19 Zimbabwe
Madagascar 19-43 Congo Brazzaville
Taliki 19-01-2023
U-18
Guinea-Burundi (11h00)
Congo Brazzaville-Zambia (15h00)
U-20
Madagascar-Zimbabwe (09h00)
Rwanda-Nigeria (13h00)
Congo Brazzaville-Guinea (17h00)
Ikipe y’u Rwanda mu bahungu batarengeje imyaka 20 nta bwo yitwaye neza mu mikino y’umunsi wa 3 w’ irushanwa ry’Afurika mu mukino wa Handball “IHF Trophy Continental Phase-Africa 2023”.
Iyi kipe y’u Rwanda U-20 nyuma yo gutsindira Congo Brazzaville mu rugo mu mukino w’umunsi wa 2, ku mukino w’umunsi wa 3 yatsinzwe na Guinea ibitego 52 kuri 34.
Indi mikino yabaye muri iki cyiciro cy’abatarengeje imyaka 20, ikipe ya Nigeria yatsinze Zimbabwe ibitego 50 kuri 19 naho ikipe ya Congo Brazzaville itsinda Madagascar ibitego 43 kuri 19.
Muri iki cyiciro, ikipe ya Guinea ni yo iyoboye urutonde n’amanota 6 ikurikiwe na Congo Brazzaville (4),Nigeria (4), Rwanda (4), Madagascar (0) na Zimbabwe (0).
Mu cyiciro cy’abatarengeje imyaka 18 habaye imikino ibiri aho ikipe ya Nigeria yatsinze Zambia ibitego 55 kuri 16 naho Guinea itsinda Congo Brazzaville ibitego 31 kuri 20.
Kugeza ubu ikipe ya Nigeria ni yo iyoboye urutonde n’amanota 6 ikurikiwe na Guinea (4), Burundi (2), Congo Brazzaville (0) na Zambia (0).
Gahunda y’imikino y’umunsi wa kane
Kuri uyu wa Kane taliki 19 Mutarama 2023 hateganyijwe imikino y’umunsi wa kane aho mu batarengeje imyaka 18 (U-18) hateganyijwe imikino ibiri, ikipe ya Guinea irakina n’u Burundi naho Congo Brazzaville ikine na Zambia.
Mu batarengeje imyaka 20 (U-20), ikipe ya Madagascar irakina na Zimbabwe, ikipe y’u Rwanda ikine na Nigeria naho Congo Brazzaville ikine na Guinea.
