Handball: Ikipe y’u Rwanda U-20 yatangiye imikino y’Afurika yitwara neza

U- 18

Nigeria 45-30 Burundi

Zambia 19-46 Guinea

U- 20

Guinea 28-26 Nigeria

Madagascar 29-50 Rwanda

Congo Brazzaville 55-20 Zimbabwe

Taliki 17-01-2023

 U-18

Burundi-Zambia (11h00)

Nigeria-Congo Brazzaville (15h00)

U-20

Nigeria-Madagascar (09h00)

Zimbabwe-Guinea (13h00)

Rwanda-Congo Brazzaville (17h00)

Ku wa Mbere taliki 16 Mutarama 2023 muri Congo Brazzaville ni bwo hatangiye imikino y’Afurika “IHF Trophy Continental Phase-Africa 2023” mu  cyiciro cy’abatarengeje imyaka 18 ndetse n’abatarengeje imyaka 20 mu bahungu.

Mu  batarengeje imyaka 18, imikino yitabiriwe n’amakipe 5 yabonye itike binyuze muri Zone. Aya ni Zambia (Zone 6), Congo Brazzaville (Zone 4), Burundi (Zone 5), Guinea (Zone 2) na Nigeria (Zone 3).

Mu batarengeje imyaka 20 hitabiriye  amakipe 6 na yo yabonye itike binyuze muri Zone. Muri  aya makipe harimo Congo Brazzaville (Zone  4), Zimbabwe (Zone 6), u Rwanda ( Zone 5), Guinéa (Zone 2), Nigeria (Zone 3) na Madagascar (Zone 7).

Ku munsi wa mbere w’iyi mikino y’Afurika irimo kubera mu nzu y’imikino « Gymnase Nicole Oba » mu batarengeje imyaka 18, ikipe ya Nigeria yatsinze u Burundi ibitego 45 kuri 30 naho Zambia itsindwa na Guinea ibitego 46 kuri 19.

Mu batarengeje imyaka 20, ikipe ya Guinea yatsinze Nigeria ibitego 28 kuri 26, ikipe y’u Rwanda itsinda Madagascar ibitego 50 kuri 29 naho  Congo Brazzaville itsinda Zimbabwe ibitego 55 kuri 20.

Gahunda y’imikino y’umunsi wa kabiri

Kuri uyu wa Kabiri taliki 17 Mutarama 2023 hateganyijwe imikino y’umunsi wa kabiri aho mu batarengeje imyaka 18 (U-18)  hateganyijwe imikino ibiri. Ikipe y’u Burundi irakina na Zambia naho ikipe ya Nigeria ikine na Congo Brazzaville.

Mu batarengeje imyaka 20, ikipe ya Nigeria irakina na Madagascar,  Zimbabwe ikine na Guinea  naho ikipe y’u Rwanda ikine na Congo Brazzaville.