Itsinda A
Bangladesh 165-155 Sri Lanka
Australia 65-64 USA
Itsinda D
India 219-97 UAE
South Africa 112-68 Scotland
Taliki 17-01-2023
Itsinda A
Zimbabwe-Rwanda (NW University Oval-10h00)
England-Pakistan (JB Marks Oval-13h45)
Itsinda C
New Zealand-Ireland (JB Marks Oval-10h00)
West Indies-Indonesia (NW University Oval-13h45)
Imikino y’igikombe cy’Isi mu mukino wa Cricket mu cyiciro cy’abakobwa batarengeje imyaka 19 “ICC U-19 Women’s T20 World Cup 2023” irimo kubera muri Afurika y’Epfo irakomeza hakinwa imikino y’umunsi wa 4.
Nyuma yo gutsindwa umukino wa mbere mu itsinda, kuri uyu wa Kabiri taliki 17 Mutarama 2023, ikipe y’u Rwanda irakina umukino wa kabiri mu itsinda B na Zimbabwe.
Aya makipe yombi ntabwo yitwaye neza kuko uretse ikipe y’u Rwanda yatsinzwe na Pakistan, ikipe ya Zimbabwe na yo yatsinzwe na England.
Umukino w’ikipe y’u Rwanda na Zimbabwe urabera ku kibuga cya North-West University Oval guhera saa yine (10h00).
Muri iri tsinda A undi mukino uteganyijwe urahuza ikipe ya England na Pakistan (13h45) ku kibuga cya JB Marks Oval mu mujyi wa Potchefstroom.
Indi mikino iteganyijwe ni iyo mu itsinda C aho ikipe ya New Zealand ikina na Ireland (10h00) kuri JB Marks Oval naho West Indies ikine na Indonesia (13h45) muri North-West University Oval.
Mu mikino y’umunsi wa mbere, West Indies yatsinze Ireland naho New Zealand itsinda Indonesia.
Uko imikino y’umunsi wa 3 yagenze
Ku wa Mbere taliki 16 Mutarama 2023 ni bwo habaye imikino y’umunsi wa 3 aho mu itsinda A, ikipe ya Bangladesh yatsinze Sri Lanka. Ikipe ya Bangladesh ukaba wari umukino wa kabiri itsinze kuko yari yatsinze Australia ku mukino wa mbere mu itsinda.
Muri iri tsinda, ikipe ya Australia yatsinze USA. Iyi kipe ya USA ikaba imaze gutsindwa imikino ibiri kuko ku mukino wa mbere mu itsinda yari yatsinzwe na Sri Lanka.
Mu itsinda D, ikipe ya India yatsinze UAE. Ikipe ya India wari umukino wa kabiri itsinze nyuma yo gutsinda South Africa ku mukino wa mbere.
Undi mukino muri iri tsinda wabaye, ikipe ya South Africa yatsinze Scotland. Iyi kipe ya Scotland ikaba imaze gutsindwa imikino ibiri kuko ku mukino wa mbere mu itsinda yatsinzwe na UAE. Iyi mikino yombi yabereye muri Willowmoore Park mu mujyi wa Benoni.
