Taliki 13-01-2023
REG BBC 103-51 Orion BBC
Patriots BBC 85-98 Kigali Titans
Taliki 14-01-2023
APR BBC 106-36 IPRC Musanze
Tigers BBC 70-62 IPRC Huye
Taliki 15-01-2023
REG BBC 113-44 IPRC Musanze
APR BBC 116-23 IPRC Huye
Espoir BBC 81-71 Orion BBC
Mu mpera z’icyumweru gishize taliki 13 kugeza 15 Mutarama 2023 ni bwo hatangiye shampiyona y’icyiciro cya mbere mu bagabo mu mukino wa Basketball muri uyu mwaka wa 2023.
Ikipe ya REG BBC ifite igikombe giheruka yitwaye neza itsinda imikino ibiri naho ikipe ya Patriots BBC yasoreje ku mwanya wa kabiri itsindwa na Kigali Titants BBC yazamutse mu cyiciro cya mbere uyu mwaka.
Umukino wabimburiye iyindi taliki 13 Mutarama 2023, ikipe ya REG BBC yatsinze Orion BBC yazamutse mu cyiciro cya mbere uyu mwaka amanota 103 kuri 51. Iyi kipe ya REG BBC yakinnye undi mukino taliki 15 Mutarama 2023 aho yatsinze IPRC Musanze BBC amanota 113 kuri 44.
Ikipe ya Patriots BBC yagaruye umutoza Mwinuka Henry wari umaze imyaka 2 atoza REG BBC nta bwo yitwaye neza mu mukino wa mbere wa shampiyona kuko yatsinzwe na Kigali Titans BBC amanota 98 kuri 85.
Mu yindi mikino yabaye, ikipe ya APR BBC yatsinze IPRC Musanze BBC amanota 106 kuri 36. Iyi kipe yanatsinze IPRC Huye BBC amanota 116 kuri 23.
Ikipe ya Tigers BBC yatsinze IPRC Huye BBC amanota 70 kuri 62 naho ikipe ya Espoir BBC itsinda Orion BBC amanota 81 kuri 71.
Imikino ya shampiyona izakomeza mu mpera z’iki cyumweru taliki 20 kugeza 22 Mutarama 2023.
