Nigeria 63-62 Sierra Leone
Ghana 111-115 Mozambique
Cameroun 146-150 Sierra Leone
Eswatini 150-151 Mozambique
Taliki 04-12-2022
Cameroun-Mozambique (Gahanga-09h30)
Eswatini-Nigeria (IPRC Kigali-09h30)
Ghana-Tanzania (Gahanga-13h45)
Gambia-Nigeria (IPRC Kigali-13h45)
Mu mikino y’umunsi wa kabiri w’irushanwa ryo gushaka itike y’igikombe cy’Isi 2024 mu mukino wa Cricket mu bagabo “ICC Men’s T20 World Cup 2024” ku rwego rw’Afurika mu itsinda B “ICC Men’s T20 World Cup Africa Sub-Regional Qualifier Group B”, ikipe ya Mozambique yitwaye neza itsinda imikino ibiri.
Iyi kipe yatsinze Ghana inatsinda Eswatini, imikino yombi ikaba yarabereye muri IPRC Kigali.
Mu yindi mikino yabaye, ikipe ya Nigeria yatsinze Sierra Leone nyuma iyi kipe ya Sierra Leone itsinda Cameroun.
Ikipe ya Tanzania ndetse na Gambia nta bwo zagaragaye mu mikino y’umunsi wa kabiri zari zaruhutse.
Nyuma y’iyi mikino y’umunsi wa kabiri, ikipe ya Nigeria iyoboye urutonde by’agateganyo n’amanota 4 inganya na Mozambique iri ku mwanya wa kabiri. Ikipe ya Tanzania iri ku mwanya wa gatatu n’amanota 2 inganya na Ghana, Eswatini na Sierra Leone, Cameroun iri ku mwanya wa 7 naho Gambia iri ku mwanya wa 8 aho zose nta nota na rimwe zifite.
Gahunda y’imikino y’umunsi wa gatatu
Imikino y’umunsi wa gatatu biteganyijwe ko izaba ku Cyumweru taliki 04 Ukuboza 2022 aho ikipe ya Cameroun izakina na Mozambique i Gahanga (09h30), Eswatini ikine na Nigeria muri IPRC Kigali (09h30). Ikipe ya Ghana izakina na Tanzania i Gahanga (13h45) naho Gambia ikine na Nigeria muri IPRC Kigali (13h45).
