Kung Fu Wushu: Amajonjora ya shampiyona y’igihugu  ku munsi wa gatatu yabereye i  Kayonza

Ku Cyumweru taliki 16 Ukwakira 2022 mu Karere ka Kayonza mu Ntara y’Iburasirazuba mu Kigo cy’urubyiruko “Maison des Jeunes Kayonza” habereye amajonjora ya shampiyona y’igihugu ku munsi wa gatatu.

Iyi mikino y’amajonjora yitabiriwe  n’amakipe 4 abarizwa mu Ntara y’Iburasirazuba ahari abakinnyi 28  barimo abakobwa 3 n’abahungu 25. Nyuma y’amarushanwa abitwaye neza bakaba  bazitabira umunsi wa nyuma wa shampiyona ni 19 barimo abakobwa 2 n’abahungu 17.

Aya majonjora akaba agamije gutoranya abakinnyi  bazitabira shampiyona y’igihugu “National Kung Fu Wushu Championship 2022” izaba taliki 06 Ugushyingo 2022. Ku munsi wa mbere amajonjora  yabereye mu Mujyi wa Kigali, ku munsi wa kabiri akomereza mu Karere ka Rubavu mu Ntara y’Iburengerazuba.

Kung Fu Wushu:  Muri Kigali ni  ho hatangiriye amajonjora ya shampiyona y’igihugu”

Kung Fu Wushu: Abakinnyi 13 batsinze amajonjora ya shampiyona y’igihugu  i Rubavu

Ku munsi wa 4, taliki ya 23 Ukwakira 2022, imikino y’amajonjora izabera mu Karere ka Muhanga mu Ntara y’Amajyepfo ahazahurira amakipe yose yo muri iyi Ntara. Imikino izabera  mu Kigo cy’urubyiruko cya Muhanga.