Umwongereza Michael Carrick, wari Umutoza Mukuru wa Manchester United yirukanywe kuri aka kazi nyuma y’amezi atandatu, kubera umusauro mubi iyi kipe yatangiranye muri uyu mwaka w’imikino wa 2026/27.
Kuri uyu wa Kane, tariki ya 12 Ugushyingo 2026, ni bwo Manchetser United yashyize itangazo rigaragaza ko itakiri kumwe n’uyu mutoza wayigezemo muri Mutarama uyu mwaka.
Iki cyemezo kije nyuma y’inama yahuje abayobozi ba Manchester United barimo Omar Berrada na Jason Wilcox na Sir Jim Ratcliffe ufite imigabane 28,94% muri iyi kipe, yabereye i Monaco ku wa Gatatu yibanze ku hazaza hayo n’umutoza bikaba byarangiye yirukanywe.
Asize Manchester United iri ku mwanya wa 18 muri Shampiyona y’u Bwongereza, nyuma yo gutsinda umukino umwe gusa mu 10 imaze gukina, bikaba ari byo bihe bibi imazemo muri iki cyiciro kuva mu mwaka w’imikino wa 1986/87.
Iyi kipe kandi imaze kwinjizwa ibitego 30 mu mikino 15 yakinnye mu marushanwa yose, birimo 19 byo muri Premier League.
Carrick w’imyaka 45, yari amaze amezi atandatu gusa ahawe amasezerano y’imyaka ibiri nk’umutoza uhoraho w’iyi kipe yagezemo muri Mutarama asimbuye Ruben Amorim wari umaze kwirukanwa.
Mauricio Pochettino utoza Ikipe y’Igihugu ya Leta Zunze Ubumwe za Amerika ni we uri guhabwa amahirwe yo kumusimbura.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE