Handball : Misiri na Algeria zitwaye neza mu mikino y’Afurika y’umunsi wa kabiri

22 Kanama 2022 Saa 00:59

Yanditswe na Imvaho Nshya Ku ya 22 Kanama 2022 Saa 00:59 Umunota 1 wo gusoma

Handball : Misiri na Algeria zitwaye neza mu mikino y’Afurika y’umunsi wa kabiri — Ubwo ikipe ya Misiri yakinaga na Libiya

Misiri 40-23 Libiya

Algeria 31-30 Congo Brazzaville

Taliki 22-08-2022

Angola-Tunisia (BK Arena-13h00)

Libiya-Algeria (BK Arena-15h00)

Misiri-Congo Brazzaville (BK Arena-17h00)

Maroc-Rwanda (BK Arena-19h00)

Ikipe ya Misiri na Algeria ziri mu itsinda B zitwaye neza mu mikino y’umunsi wa kabiri mu irushanwa ry’Afurika mu batarengeje imyaka 20 mu mukino wa Handball “U-20 African Men’s Handball Championship Rwanda 2022”.

Muri iyi mikino y’umunsi wa kabiri yabaye taliki 21 Kanama 2022, ikipe ya Misiri yitwaye neza itsinda Libiya ibitego 40 kuri 23.

Undi mukino wo mu itsinda B wabaye, ikipe ya Algeria yatsinze Congo Brazzaville bigoranye ibitego 31 kuri 30. Uyu mukino wagaragayemo imbaraga nyinshi ndetse no guhangana ku makipe yombi kuko byageze mu masegonda ya nyuma aya makipe anganya ibitego 30 kuri 30 gusa Algeria iza gutsinda igitego cy’intsinzi kuri penaliti, umukino uhita urangira.

Imikino y’umunsi wa 3

Kuri uyu wa Mbere taliki 22 Kanama 2022, imikino y’Afurika irakomeza hakinwa imikino y’umunsi wa 3 aho ikipe ya Angola nyuma yo gutsinda u Rwanda ku mukino wafunguye irushanwa ikina na Tunisia (13h000), ikipe ya Libiya nyuma yo gutsindwa na Misiri irakina Algeria (15h00).

Ikipe ya Misiri irakina na Congo Brazzaville (17h00) naho ikipe y’u Rwanda isoze imikino y’umunsi wa 3 ikina na Maroc (19h00).