Handball: Haratangira imikino y’Afurika mu batarengeje imyaka 20

Taliki 20-08-2022

Rwanda-Angola (BK Arena-18h00)

Taliki 21-08-2022

Misiri-Libiya (BK Arena-16h00)

Algeria-Congo Brazzaville (BK Arena-18h00)

Taliki 22-08-2022

Angola-Tunisia (BK Arena-13h00)

Libiya-Algeria (BK Arena-15h00)

Misiri-Congo Brazzaville (BK Arena-17h00)

Maroc-Rwanda (BK Arena-19h00)

Taliki 24-08-2022

Congo Brazzaville-Libiya (BK Arena-13h00

Algeria-Misiri (BK Arena-15h00)

Maroc-Angola (BK Arena-17h00)

Tunisia-Rwanda (BK Arena-19h00)

Taliki 25-08-2022

Tunisia-Maroc (BK Arena-19h00)

Kuva kuri uyu wa Gatandatu taliki 20 Kanama 2022, mu Rwanda haratangira irushanwa ry’imikino y’Afurika mu batarengeje imyaka 20 mu mukino wa Handball  igiye kuba ku nshuro ya 29   “U-20 African Men’s Handball Championship Rwanda 2022”.

Iyi mikino izasozwa ku wa 27 Kanama 2022 yitabiriwe n’amakipe 8 aho yashyizwe mu  matsinda abiri. Itsinda  A rigizwe n’u Rwanda, Tunisia, Maroc, Angola na ho itsinda B rigizwe na Misiri, Algeria, Congo Brazzaville na Libiya.

Ku munsi wa mbere w’iyi mikino  hateganyijwe umukino umwe ugomba guhuza ikipe y’u Rwanda na Angola guhera saa kumi n’ebyiri z’umugoroba (18h00) muri BK Arena. Gusa mbere y’uyu mukino guhera saa kumi n’imwe (17h00)  hateganyijwe ibirori byo gufungura ku mugaragaro iyi mikino.

Iyi mikino izakomeza taliki 21 Kanama 2022 aho mu itsinda B ikipe ya Misiri izakina na Libiya (16h00) naho Algeria ikine na Congo Brazzaville (18h00).

Taliki 22 Kanama 2022,  Angola izakina na Tunisia (13h000), Libiya ikine na Algeria (15h00), Misiri ikine na Congo Brazzaville (17h00) naho ikipe y’u Rwanda ikine na Maroc (19h00).

Taliki 24 Kanama 2022, ikipe ya Congo Brazzaville izakina na Libiya (13h00), Algeria ikine na Misiri (15h00), ikipe ya Maroc ikine na Angola (17h00) naho ikipe ya Tunisia ikine n’ u Rwanda (19h00).

Umukino wa nyuma mu matsinda uzaba taliki 25 Kanama 2022 aho ikipe ya Tunisia izakina na Maroc (19h00).

Taliki 26 Kanama 2022 hazaba imikino ya ½  ndetse n’iyo guhatanira imyanya hanyuma taliki 27 Kanama 2022 habe umukino wa nyuma n’uwo guhatanira umwanya wa 3. Iyi mikino izabera muri BK Arena.

Biteganyijwe ko amakipe 4 ya mbere azabona itike yo kuzaserukira Afurika mu mikino y’igikombe cy’Isi “IHF Men’s Junior World  Handball Championship 2023”, imikino izabera mu Budage no mu Bugereki kuva taliki 20 kugeza 02 Nyakanga 2023.

Nyuma y’iyi mikino y’Afurika mu batarengeje imyaka 20 hazakurikiraho imikino y’Afurika mu batarengeje imyaka 18 izaba ibaye ku nshuro ya 18  “U-18 African Men’s Handball Championship Rwanda 2022”. Imikino izatangira taliki 30 Kanama  isozwe taliki 06 Nzeri 2022.