Rutsiro FC yasubije mu kazi Gatera Moussa n’umunyezamu wayo

Ikipe ya Rutsiro FC yatangaje ko yasubije mu kazi umutoza Gatera Moussa n’umunyezamu Matumele Arnold Monzombo nyuma y’aho bombi bahagaritswe tariki ya 28 Mata 2025 bashinjwa umusaruro nkene ku mukino batsinzwemo na APR FC ibitego 5-0.

Mu itangazo iyi kipe yashyize hanze kuri iki Cyumweru tariki ya 4 Gicurasi 2025 yagize iti: “Dushingiye ku biganiro byahaye hagati y’ubuyobozi bwa Rutsiro FC n’Umutoza Mukura wayo Gatera Musa, Turabamenyesha abakuzi b’Ikipe ya Rutsiro FC n’abakunzi b’umupira w’amaguru muri rusange ko Gatera Moussa n’Umunyezamu Matumele Monzombo Arnold bari barahagaritswe bagaruwe mu nshingano zabo”.

Rutsiro FC izasubira mu kibuga yakirwa na Rayon Sports mu mukino w’Umunsi wa 26 wa Shampiyona uzabera i Kigali ku Cyumweru, tariki ya 8 Gicurasi 2025.