Basketball : Ikipe y’u Rwanda U-23 yatsinzwe na NBA Academy Africa

Kuva muri 2017  NBA Africa yatangije ishuri  “NBA Academy Africa” muri Senegal mu rwego rwo gufasha mu kuzamura impano z’abakinnyi bakiri bato muri Afurika.

Muri Werurwe 2022,  ku bufatanye bwa BAL na NBA Academy Africa hatangijwe gahunda bise “BAL Elevate” igamije guha abakinnyi babarizwa muri “NBA Academy Africa” umwanya wo kwigaragaza  mu makipe yakinnye imikino ya nyuma ya BAL 2022  uko ari 12.

Abakinnyi bitabiriye gahunda ya “BAL Elevate”

Amakipe yakinnye imikino yose yahawe umukinnyi wo muri “NBA Academy Africa”.

Umukinnyi, Nadir Bennis (Maroc) yakiniye AS Salé (Maroc), Abuchi Chinyelu (Nigeria) yakiniye CFV (Mozambique), Babacar Sane (Senegal) yakiniye DUC (Senegal).  Umukinnyi Joy Ighovodja (Nigeria) yakiniye ikipe ya REG BBC (Rwanda), Serigne Saliou Mbaye (Senegal) akinira SLAC (Guinea) naho  Charles Loic Onana Awana (Cameroun) akinira US Monastir (Tunisia).

Ikipe ya Cape Town Tigers (South Africa) yakiniwe na Matar Diop (Senegal),  Cobra Sport (South Sudan) yari ifite Khaman Madit Maluach (South Sudan), Emmanuel Eberechukwu Okorafor (Nigeria ) yakiniye Espoir Fukash (RDC),  Ulrich Kamka Chomche (Cameroun) akinira  FAP (Cameroun), Thierry Serge Darlan (Central African Republic) yakiniye  Petro de Luanda (Angola) naho Khadim Rassoul Mboup (Senegal) akinira Zamalek (Misiri).

Kuri uyu wa Gatanu taliki 27 Gicurasi 2022 nyuma y’umukino wo guhatanira umwanya wa gatatu muri BAL 2022, aba bakinnyi  “BAL Elevate Players” bakinnye umukino wa gicuti n’ikipe y’u Rwanda U-23. Ikipe ya “NBA Academy Africa” yatsinze Rwanda U-23 amanota 72 kuri 53.

Game recap of the Elevate showcase brought to you by @new_fortress #theBAL pic.twitter.com/ALngzykZYc

— Basketball Africa League (@theBAL) May 27, 2022

Umukinnyi Babacar Sane (Senegal) wakiniye ikipe  DUC (Senegal) mu mikino y’amajonjora ni we witwaye neza muri uyu mukino aho yatsinze amanota 21 agarura imipira 9 itageze mu nkangara anatanga umupira umwe wabyaye amanota.

Babacar Sane scoops the Player of The Game (MVP) accolade after an impressive display against the Rwanda U-23 side #theBAL pic.twitter.com/nZU2Zb0Xs2

— Basketball Africa League (@theBAL) May 27, 2022

NBA Academy Africa: Babacar Sane (Senegal),Rueben Abuchi Chinyelu (Nigeria),Khaman Madit Maluach (South Sudan), Emmanuel Eberchukwu Okorafor (Nigeria),Dramane Sayon Camara (Nigeria), Victor Tochukwu Ezeh(Nigeria),Imran Mohamed Deen (Sierra Leone), Daniel Quentin Akoue (Gabon),Seifelden Kaidar Hendawy( Misiri), Paul Kabenga Mbiya (RDC), Joy Ighovodja (Nigeri), Nadir Bennis (Maroc), Matar Diop (Senegal) na Serigne Saliou Mbaye (Senegal).

Rwanda U-23: Umuhoza Jean de Dieu, Kizito Murenzi Romain, Turatsinze Olivier, Ntwali Victor, Kazeneza Emile Galois, Nkundwa Thierry, Uwitonze Justin,  Muhizi Ngoga Bonheur, Byambo Mc Bright,  Nkusi Arnaud,  Ntwali Marius,  Mike Mugalu, Ngabonziza Patrick na Pierre Vendriessche.

Foto: Shema Innocent