Gasana Wilson Kenneth wakiniye ikipe y’Igihugu y’u Rwanda mu mukino wa Basketball kuva muri 2019 yahawe ubwenegihugu bw’u Rwanda.
Umuhango wo kwakira indahiro ye wabereye mu Karere ka Gasabo ukaba wayobowe n’Umuyobozi Nshingwabikorwa w’Akarere ka Gasabo, Umwali Pauline.
Gasana Kenneth yavukiye i San Antonio muri Leta Zunze Ubumwe z’Amerika “USA” mu 1984. Yatangiye gukina Basketball nk’uwabigize umwuga muri 2007 aho yagiye anyura mu makipe atandukanye arimo Boise State, Chabab Rif Al-Hoceima (Moroc), Gezira (Misiri), Texas Fuel (USA), Ittihad Tanger (Maroc), REG BBC, Patriots (Rwanda),New Star (Burundi) na Bahrain Club (Bahrain).
Kuva muri 2009 yatangiye gukinira ikipe y’Igihugu y’u Rwanda kugeza ubu aho amaze gukina amarushanwa atandukanye arimo imikino y’Afurika “AfroBasket” inshuro 5 (2009, 2011,2013, 2017 na 2021).
Yakiniye u Rwanda kandi mu mikino yo gushaka itike y’igikombe cy’Isi 2019 ndetse n’iyo gushaka itike ya 2023 igikomeje.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE