Volleyball: RRA VC na APR VC zatangiye zitwara neza mu mikino y’Afurika

RRA VC 3-0  VC La Loi

APR VC 3-0 NAL

Taliki 23-05-2022

Nigeria Customs- APR VC (15h00)

FAP-RRA VC (19h00)

Ikipe ya RRA VC na APR VC zihagarariye u Rwanda mu mikino y’Afurika ry’Afurika y’amakipe yabaye aya mbere iwayo mu bagore  « African Women’s Volleyball Club Championship 2022 » zitwaye neza zitsinda imikino y’umunsi wa mbere.

Ku munsi wa mbere w’iyi mikino y’Afurika  yabaye kuri iki Cyumweru taliki 22 Gicurasi 2022, ikipe ya RRA VC  yatsinze ikipe ya VC La Loi yo muri RDC amaseti 3-0 (26-24,25-21 na 25-18).

Ikipe ya APR VC yo yatsinze ikipe ya National Alcohol and Liquor yo muri Ethiopia amaseti 3-0 (25-20, 25-19 na 25-16).

Imikino y’amajonjora irakomeza kuri uyu wa Mbere taliki 23 Gicurasi 2022 aho ikipe ya APR VC ikina na Nigeria Customs yo muri Nigeria (15h00) naho ikipe ya RRA VC ikine na FAP yo muri Cameroun (19h00).

Ikipe ya RRA VC iri mu itsinda  A hamwe na Club Olympique de Kelibia (Tunisia), VC La Loi (RDC) na  FAP (Cameroun) naho ikipe ya APR VC iri mu itsinda  C hamwe na Prisons(Kenya) , National Alcohol and Liquor (Ethiopia) na Nigeria Customs Service ( Nigeria).