Volleyball: Ikipe y’u Rwanda yatsinze Burfina Faso ikatisha itike ya ¼

Volleyball: Ikipe y’u Rwanda yatsinze Burfina Faso ikatisha itike ya ¼

Ikipe y’u Rwanda yitwaye neza itsinda Burkina Faso mu mukino wa gatatu w’ imikino y’Afurika muri Volleyball mu cyiciro cy’abagore “Women’s African Nations Volleyball Championship 2023″ irimo kubera i Yaounde muri Cameroun bituma ibona itike ya gukomeza muri ¼  cy’irangiza.

Imikino y’umunsi wa 3 yabaye ku wa Gatanu tariki 18 Kanama 2023, ikipe y’u Rwanda mu itsinda B yitwaye neza itsinda Burkina Faso amaseti 3-0 (25-8, 25-07 na 25-14).

Muri iri tsinda kandi, ikipe ya Kenya yatsinze Uganda amaseti 3-0 (25-15, 25-16 na 25-14) naho Maroc itsinda Lesotho  amaseti 3-0 (25-09,25-11 na 25-11).

Mu itsinda A, Algeria yatsinze Mali amaseti 3-0 (25-10, 25-07  na  25-12), Nigeria itsinda u Burundi amaseti 3-0  (25-17, 25-14  na  25-09) naho Misiri itsinda Cameroun amaseti 3-1 (25-16, 25-19, 21-25  na  25-16).

Nyuma y’imikino y’umunsi wa 3, ikipe ya Misiri ni yo iyoboye itsinda A n’amanota  9, ikurikiwe na Cameroun (6), Algeria (6), Nigeria (6), Mali (0) na Burundi (0).

Mu itsinda B, Kenya ni yo iyoboye n’amanota 9, ikurikiwe na Maroc (7), u Rwanda (6), Uganda (5), Burkina Faso (0) na Lesotho (0).

Amakipe 4 ya mbere muri buri tsinda akaba yaramaze gukatisha itike ya ¼ cy’irangiza.

Gahunda y’imikino y’umunsi wa kare

Kuri uyu wa Gatandatu, tariki 19 Kanama 2023 ni bwo  hakinwa imikino y’umunsi wa kane ari nayo ibanziriza imikino ya nyuma yo mu matsinda.

Mu itsinda A,  Mali irakina n’u Burundi (12h00), Nigeria ikine na Misiri (13h00) naho Cameroun ikine na Algeria (18h00).

Mu itsinda B, ikipe ya Lesotho irakina na Burkina Faso (11h00), ikipe y’u Rwanda ikine na Uganda (14h00) naho Kenya ikine na Maroc (16h00).

Yanditswe na NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19