Volleyball: Ikipe y’u Rwanda izahura na Algeria muri ¼ mu mikino y’Afurika

Volleyball: Ikipe y’u Rwanda izahura na Algeria muri ¼ mu mikino y’Afurika

Tariki 20 Kanama 2023 ni bwo hakinwe imikino ya nyuma y’amajonjora mu irushanwa ry’Afurika muri Volleyball mu cyiciro cy’abagore “Women’s African Nations Volleyball Championship 2023″.

Mu mikino yabaye, mu itsinda A, ikipe ya Algeria yatsinze  Nigeria amaseti 3-2 (25-16, 25-18, 23-25, 24-26  na 15-06), ikipe ya Misiri yatsinze u Burundi amaseti 3-0 (25-02, 25-04 na 25-13) naho ikipe ya Cameroun itsinda Mali amaseti 3-0 (25-09, 25-11 na 25-11).

Mu itsinda B, ikipe ya Maroc yatsinze u Rwanda amaseti 3-2  (25-18, 19-25, 22-25, 28-26  na  15-09),  Uganda yatsinze Burkina Faso amaseti 3-0 (25-14, 25-12 na 25-18) naho ikipe ya Kenya itsinda Lesotho amaseti 3-0 (25-05, 25-08 na 25-13).

Nyuma y’imikino yo mu matsinda, ikipe ya Misiri ni yo yasoje iyoboye itsinda A n’amanota 15 ikurikiwe na Kenya (12), Algeria (8), Nigeria (7), Mali (3) n’u Burundi (0).

Mu itsinda B, Kenya yasoje ifite amanota 15 ikurikiwe n’u Rwanda (10), Maroc (9), Uganda (8), Burkina Faso (3) na Lesotho (0).

Kuri uyu wa Mbere taliki 21 Kanama 2023 ni umunsi w’ikiruhuko nyuma tariki 22 Kanama 2023 ni bwo hazakinwa imikino ya ¼  cy’irangiza ndetse n’iyo guhatanira imyanya (9-12).

Mu mikino ya ¼ iteganyijwe, ikipe y’u Rwanda izahura na Algeria, Misiri ikine na Uganda, izitwara neza zizahurire muri ½ cy’irangiza.

Ikipe ya Kenya izakina na Nigeria naho ikipe ya Cameroun ikine  na Maroc. Izi kipe nazo izizitwara neza zizahurira muri ½.

Yanditswe na NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19