Volleyball:  GS St Joseph na GS St Aloys zegukanye shampiyona y’icyiciro cya kabiri

  • NTAWITONDA JEAN CLAUDE
  • Kamena 6, 2023
  • Hashize amezi 10
Image

Taliki 03 na 04 Kamena 2023 muri GS St Joseph i Kabgayi mu Karere ka Muhanga habereye imikino ya nyuma ya shampiyona y’icyiciro cya kabiri muri Volleyball mu bahungu n’abakobwa “Serie B”.

Ikipe ya GS St Joseph Kabgayi mu bahungu na GS St Aloys Rwamagana ni zo zegukanye igikombe cya shampiyona. Iyi shampiyona ikaba yari imaze amezi 6 ikinwa.

Mu bahungu hitabiriye amakipe 14 harimo 2  ya za Kaminuza naho andi akaba ari amashuri yisumbuye.

Aya makipe yari agabanyije mu matsinda abiri aho itsinda A ryari ririmo College du Christ Roi, Gisagara Volleyball Academy, GSO Butare, College St Ignace Mugina, College Ste Marie Reine Kabgayi, Gitisi TVET na UR-Nyarugenge. Itsinda B ryari rigizwe na  PSVF, Nyaruguru VC, Rusumo High School, Nyanza  TSS, GS  St Joseph Kabgayi, UR- Busogo  na St Trinity Ruhango.

Nyuma y’imikino isanzwe, muri buri tsinda hazamutse amakipe 4, yose hamwe aba 8 akina imikino ya kamarampaka   “Playoffs” aho yari yashyizwe mu matsinda 2 nyuma muri buri tsinda hakomeje amakipe 2.

Amakipe 4 yakinnye hagati yayo maze ikipe ya  GS St Joseph Kabgayi yitwara neza itsinda imikino yose uko ari 3 yegukana igikombe. Iyi kipe yatsinze PSVF amaseti 3-0, itsinda College du Christ Roi amaseti 3-2 inatsinda Nyanza TSS amaseti 3-0.

Uko amakipe  yakurikiranye

Ikipe ya GS St Joseph Kabgayi (1), Nyanza TSS (2), PSVF (3), Christ Roi (4), UR Nyarugenge (5), UR CAVM (6), GSO Butare (7) na Gisagara VA (8).

Mu cyiciro cy’abakobwa, hitabiriye amakipe 5 harimo ikipe imwe ya Kaminuza ari yo  UR-Busogo (UR-CAVM). Aya ni GS St Aloys Rwamagana, Institut Ste Famile Nyamasheke, GS  St Joseph Kabgayi, Ecole Ste Bernadette Kamonyi na UR-Busogo.

Nyuma yo gukina hagati yayo, amakipe 4 ni yo yakinnye imikino ya kamarampaka “Playoffs”. Aya makipe yakinnye hagati yayo maze ikipe GS St Aloys Rwamagana yitwara neza yegukana igikombe nyuma yo gutsinda imikino yose.

Uko amakipe yakurikiranye

Ikipe ya GS St Aloys Rwamagana (1), Ecole Ste Bernadette Kamonyi (2), Institut Ste Famille Nyamasheke (3) na  GS St Joseph Kabgayi (4).

  • NTAWITONDA JEAN CLAUDE
  • Kamena 6, 2023
  • Hashize amezi 10
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE