Volleyball: Gisagara VC  yageze muri ½ mu  mikino y’Afurika

Gisagara VC 3-2 CO Kelibia

Imikino ya ½

Taliki 15-05-2022

Al Ahly SC-Port de Douala (17h00)

Espérance  de Tunis-Gisagara VC (19h00)

Ikipe ya Gisagara VC yitwaye neza mu mikino y’Afurika y’amakipe yabaye aya mbere iwayo mu bagabo  “Men’s African Volleyball Clubs Championship 2022” irimo kubera muri Tunisia  itsinda umukino wa ¼ ikomeza muri ½ cy’irangiza.

Iyi kipe ya Gisagara VC yatsinze  ikipe ya CO  Kelibia yo muri Tunisia yakiriye irushanwa amaseti 3-2 (29-27, 22-25, 16-25, 25-23 na 15-12).

Nyuma yo gutsinda umukino wa ¼ , Gisagara VC yahise ikomeza muri ½ aho igomba guhura n’ikipe ya Espérance  de Tunis yo muri Tunisia ifite igikombe giheruka. Umukino uteganyijwe kuri iki Cyumweru taliki 15 Gicurasi 2022.

Iyi kipe ya Espérance de Tunis  yageze muri ½ isezereye ikipe ya FAP yo muri Cameroun ku maseti 3-0 (25-16, 25-13 na 25-16).

Undi mukino wa ½ , ikipe ya Al Ahly SC yo mu Misiri irakina na Port de Douala yo muri Cameroun. Ikipe ya Al Ahly SC yasezereye muri ¼  ikipe ya Nigeria Customs ku maseti 3-0 (25-11, 25-16 na 25-9)  naho Port de Douala isezerera ikipe ya KPA yo muri Kenya ku maseti 3-0 (25-17, 25-15 na 25-17).