Volleyball: Gisagara VC iratangira imikino y’Afurika ikina na Port de Douala

Volleyball: Gisagara VC iratangira imikino y’Afurika ikina na Port de Douala

Taliki 08-05-2022

Gisagara VC-Port de Douala (15h00)

Taliki 09-05-2022

Equity Bank-Gisagara VC (18h00)

Taliki 11-05-2022

Nigeria Customs-Gisagara VC (16h00)

Ikipe ya Gisagara VC kuva taliki 05 Gicurasi 2022 iri muri Tunisia aho   yitabiriye imikino y’Afurika y’amakipe yabaye aya mbere iwayo mu bagabo  “Men’s African Volleyball Clubs Championship 2022”.

Nyuma ya tombora y’uko amakipe azahura yabaye taliki 07 Gicurasi 2022, ikipe ya Gisagara VC yisanze mu itsinda A  hamwe na Port de Douala (Cameroun), Nigeria Customs (Nigeria) na Equity Bank (Kenya).

Itsinda A rigizwe na Club Olympique de Kelibia (Tunisia), FAP (Cameroun) na Ahly SC (Misiri). Itsinda B rigizwe na Esperance ST (Tunisia), Wolaita Dicha (Ethiopia) na AS Douanes (Burkina Faso) naho itsinda C  rigizwe na KPA (Kenya), VC Espoir (RDC), AS INJS (Cote d’Ivoire) na Madda Walabu University (Ethiopia).

Ku munsi wa mbere w’iyi mikino, taliki 08 Gicurasi 2022,  ikipe ya Gisagara VC ihagarariye u Rwanda irakina n’ikipe ya Port de Douala, umukino urabera mu mujyi wa El Haouaria saa munani (14h00) muri Tunisia akaba ari  saa cyenda  (15h00) mu Rwanda.

Iyi kipe ya Gisagara VC izakina na Equity Bank (Kenya)  taliki 09 Gicurasi 2022 hanyuma taliki 11 Gicurasi 2022 ikine na Nigeria Customs (Nigeria).

Biteganyijwe ko muri rusange imikino y’amajonjora izasozwa  taliki 12 Gicurasi 2022. Taliki 13 Gicurasi 2022 ni umunsi w’ikiruhuko hanyuma taliki 14 kugeza 16 Gicurasi 2022 hakurikireho imikino yo guhatanira imyanya, ¼  na ½  ubundi taliki  17 Gicurasi 2022  habe imikino ya nyuma.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19