Volleyball: APR VC yitwaye neza mu mikino y’umunsi wa kabiri ya shampiyona

Taliki 03 na 04 Kamena 2023 ni bwo habaye imikino y’umunsi wa kabiri muri shampiyona y’icyiciro cya mbere mu bagore n’abagabo mu mukino wa Volleyball.

Iyi mikino yabareye mu Karere ka Huye na Gisagara, ikipe ya APR VC mu bagabo n’abagore  zitwaye neza.

Mu bagabo, ikipe ya APR VC yitwaye neza itsinda imikino itatu aho yatsinze IPRC Ngoma VC amaseti 3-0 (25-12, 25-22 na 25-20), yatsinze Police VC amaseti 3-1(22-25, 25-20, 26-24 na 25-22) nyuma itsinda Gisagara VC amaseti 3-2 (22-25,25-23,16-25, 25-13 na 15-13).

Mu bagore, ikipe ya APR VC yitwaye neza itsinda imikino ibiri, yatsinze IPRC Huye amaseti 3-0 (25-06,25-11 na 25-10) inatsinda  Ruhango VC amaseti 3-0 (25-14,25-20 na 25-09).

Imikino y’umunsi wa 3 biteganyijwe ko izaba taliki 17 na 18 Kamena 2023.