Visi Perezida wa Mbere wa FERWACY yeguye ku nshingano ze

Visi Perezida wa Mbere wa FERWACY yeguye ku nshingano ze

Uwari Visi Perezida wa Mbere w’Ishyirahamwe ry’Umukino w’Amagare mu Rwanda (FERWACY), Karangwa François, wari wasigaye ayoboye iri shyirahamwe by’agateganyo nyuma yo kwegura kwa  Murenzi Abdallah na Nkuranga Alphonse wari Umuyobozi Nshingwabikorwa nawe yeguye.

Ku mugoroba wo kuri uyu wa Mbere tariki 18 Nzeri ni bwo Karangwa yatandikiye abanyamurango ba FERWACY abamenyesha ko ahagaritse inshingano yari yaratorewe zo kuba Visi perezida wa FERWACY.

Yakomeje avuga ati: “Mbijeje inkunga yanjye mu gukomeza guteza imbere umukino w’amagare”.

Karangwa François yari umwe mu bayobozi bamaze igihe muri FERWACY kuko yabaye Visi perezida wa Bayingana Aimable muri 2018.

Yakomerejeho ubwo Murenzi Abdallah yatorerwaga kuyobora iri Shyirahamwe mu Ukuboza 2019 ndetse no muri manda y’imyaka ine yatangiye muri Kamena 2022.

Biteganyijwe ko tariki 21 Ukwakira 2023 hazaba amatora ya  Komite nyobozi nshya ya FERWACY.

ISHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19