Ubukungu bw’u Rwanda bwazamutse kuri 7.5%

Ubukungu bw’u Rwanda bwazamutse ku kigero cya 7.5% mu gihembwe cya kabiri cy’umwaka wa 2022, nk’uko bitangazwa n’Ikigo cy’Igihugu cy’Ibarurishamibare mu Rwanda (NISR). 

Urwego rw’ubuhinzi rwazamutse ku kigero cya 2%, urw’inganda kuri 6% naho urwa serivisi ruzamuka kuri 12%.

Amahoteli n’amaresitora yazamutse mu kigero cya 193% kubera isubukurwa ryo kwakira inama n’ibindi bikorwa byaba ibyo mu gihugu n’ibyo ku rwego mpuzamahanga.

Mu gihembwe cya mbere cy’uyu mwaka, ubukungu bw’u Rwanda bwari bwazamutse ku kigero cyane 7.9%.