U Rwanda rwitabiriye imurikagurisha ry’ubukerarugendo mu Australia

U Rwanda rwitabiriye imurikagurisha ry’ubukerarugendo mu Australia

U Rwanda rwitabiriye Imurikagurisha Mpuzamahanga ry’Ubukerarugendo bwo ku rwego rwo hejuru riri kubera i Sydney muri Australia, aho rumurikira abaryitabiriye umwihariko w’ubukerarugendo bwarwo n’ibyiza nyaburanga birutatse.

Iri murikagurisha ngarukamwaka ryiswe’’ The Luxperience Travel Trade Exhibition 2026 ribera mu Mujyi wa Sydney muri Australia ryatangiye ku wa 17 Ugushyingo, rizasozwa ku wa 20 Ugushyingo 2026.

Mu imurikagurisha ry’uyu mwaka u Rwanda ruhagarariwe n’Umuyobozi Mukuru w’Ubukerarugendo mu Rwego rw’Igihugu rushinzwe Iterambere (RDB), Irene Murerwa n’ibigo bitandukanye bicuruza serivisi z’ubukerarugendo.

Iri murikagurisha ni urubuga rukomeye rwo guhuza u Rwanda n’abaguzi bakomeye b’ibicuruzwa na serivisi by’ubukerarugendo buhanitse, ndetse n’abajyanama mu by’ingendo baturutse muri Australia, Nouvelle-Zélande n’ibindi bihugu.

The Luxperience Travel Trade Exhibition yatangiye mu 2012, hagamijwe guhuza abatanga serivisi z’ubukerarugendo buhanitse n’abaguzi b’izo serivisi, ibigo bikora ubukerarugendo n’abajyanama b’inzobere mu bijyanye n’ingendo baturuka mu bihugu bitandukanye.

Raporo y’ibikorwa by’umwaka wa 2025 y’Urwego rw’Igihugu rw’Iterambere, RDB igaragaza ko muri rusange ubukerarugendo bw’u Rwanda bwinjije miliyoni 685$.

Mu 2025, u Rwanda rwakiriye ba mukerarugendo miliyoni 1,49 bavuye kuri miliyoni 1,36 mu 2024, bingana n’ubwiyongere bwa 9%. Ubwiyongere bwagaragaye cyane mu bagenzi bakoresha indege, aho bazamutseho 23%, bigaragaza ko igihugu gikomeje gukurura abashyitsi mpuzamahanga.

Umuyobozi Mukuru w’Ubukerarugendo muri RDB, Irene Murerwa yagaragarije abitabiriye imurikagurisha serivisi zitandukanye bashobora kubona mu Rwanda
Imurikagurisha ryabaye umwanya mwiza wo guhuza u Rwanda n’abaguzi bakomeye b’ibicuruzwa na serivisi by’ubukerarugendo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Amikoro make akomeje kudindiza imishinga ya ba rwiyemezamirimo bato 21 Ugushyingo 2026 Saa 07:04
  2. Hatangajwe inzira za Tour du Rwanda 2027 ifite umwihariko udasanzwe 20 Ugushyingo 2026 Saa 22:14
  3. Abafite imishinga myiza bahanganiye ibihembo bya Africa’s Business Heroes 20 Ugushyingo 2026 Saa 18:08
  4. Huye: Ibikorwa remezo by’imyidagaduro byafunguriye urubyiruko amahirwe i Mbazi 20 Ugushyingo 2026 Saa 17:04
  5. Afurika y’Epfo: Abagore hafi 600 bishwe mu mezi atatu gusa 20 Ugushyingo 2026 Saa 16:53