Tennis: Ikipe y’u Rwanda ikomeje  kwitwara neza mu batarengeje imyaka 16

  • Imvaho Nshya
  • Gicurasi 6, 2022
  • Hashize imyaka 2
Image

Ikipe y’u Rwanda mu bahungu n’abakobwa batarengeje imyaka 16 ikomeje kwitwara neza  mu irushanwa ry’Akarere ka 4 “ITF/ CAT East African Junior Team’s Championships for 14 & 16 & Under (AJTC)” rihuza abana batarengeje imyaka 14 na 16, ririmo kubera i Kigali, mu Rwanda kuva taliki ya 4 Gicurasi 2022.

Ikipe y’u Rwanda mu bahungu  yitwaye neza ku munsi wa kabiri w’irushanwa aho yatsinze Tanzania imikino 3-0. Mu mukino wabanje, wabereye muri IPRC Kigali, Ishimwe Claude (Rwanda) yatsinze Hassan Mfaume (Tanzania)  amaseti 2-0 (6-1 na 6-0).

Mu mukino wa kabiri Hakuzumwami Junior (Rwanda) yatsinze Ramadhani Rachid (Tanzania) amaseti 2- 0 (6-0 na 6-3).

Bakina ari babiri, ikipe y’Abanyarwanda igizwe na Ishimwe Claude na  Hakuzumwami  Junior   yatsinze Hassan Mfaume na Ramadhani Rachid  (Tanzania) amaseti 2-0 (6-2 na 6-1). Ikipe y’u Rwanda yabonye intsinzi ku mikino 3-0.

Mu wundi mukino wabaye muri iki cyiciro, ikipe ya Kenya yatsinze u Burundi imikino 3-0.

Mu bakobwa, ikipe y’u Rwanda yitwaye neza itsinda Tanzania imikino 2-1. Tuyishime Rona yatangiye atsinda Aurelia Mushi  amaseti 2-0 (6-4 na 6-1). Mu mukino wa kabiri, Niyoshima Carine yatsinzwe na Naitoti Singo (Tanzania), amaseti 2-0.

Mu mukino w’abakina ari babiri, Tuyishime Rona afatanyije na Nishimwe Carine batsinze Naitoti Sibgo na Aurelia Mushi (Tanzania), amaseti 2-1 (6-3 na 6-2). Aha ikipe y’u Rwanda yegukanye intsinzi ku mikino 2-1.

Mu yindi mikino, ikipe ya Kenya yatsinze u Burundi imikino 3-0 naho ikipe ya Uganda itsinda Comoros imikino 3-0.

Mu batarengeje imyaka 14 mu bahungu, ikipe y’u Rwanda yatsinzwe na Tanzania imikino 2-1. Mu mukino wa mbere, Ishimirwe Fabrice yatsinzwe na Ali Hamisi (Tanzania) amaseti 2-0 (6-1 na 6-0). Mu mukino wakurikiyeho, Habiyambere Calvin yatsinzwe na Pancras Japheth amaseti 2-1.

Mu mukino bakina ari babiri, Habiyambere Calvin na Ishimirwe Fabrice batsinzwe na Ali Hamisi na Pancras Japheth amaseti 2-0 (6-3 na 6-4). Tanzania yatsinze u Rwanda imikino 2-1. Aha kandi, ikipe ya Kenya yatsinze Uganda imikino 3-0.

Mu bakobwa, ikipe ya Tanzania yongeye gutsinda u Rwanda muri iki cyiciro, imikino 2-1. Umunyarwanda, Ineza Thierine yatsinze na Alice Kazoba amaseti 2-0 (6-1 na 6-2). Mu mukino wa kabiri, Tuyishime Esther yatsinzwe na Nasha Singo (Tanzania), amaseti 2-0 (6-2 na 6-2).

Bakina ari babiri, Ineza Thierine na Tuyishime Esther batsinzwe na Alice Kazoba na Nasha Singo amaseti 2-0 (6-1 na 6-2).

Iyi mikino irakomeza kuri uyu wa Gatanu, taliki 6 Gicurasi 2022, hakinwa imikino yo ku munsi wa gatatu. Mu bahungu n’abakobwa batarengeje imyaka 16, ku bibuga byo muri IPRC Kigali, u Rwanda ruzahura na Uganda, Kenya ikine na Tanzania naho kuri Sitade Amahoro i Remera, ikipe y’u Burundi ikine na Tanzania ndetse Tanzania inakine na Comoros.

Mu batarengeje imyaka 14 mu bahungu, u Rwanda ruzakina n’u Burundi Tanzania ikine na Kenya naho mu bakobwa, Kenya ikine na Tanzania ndetse u Burundi bukine na Uganda. Iyi mikino yose izabera ku bibuga byo muri IPRC Kigali.

Uko amakipe akurikiranye nyuma y’umunsi wa 2

Mu bahungu batarengeje imyaka 14, Kenya ni iya mbere n’inota 1, inganya n’u Burundi, Tanzania, Uganda naho u Rwanda ni urwa 5 nta nota.

Mu bakobwa batarengeje imyaka 14, Tanzania ni ya mbere n’amanota 2, ikurikirwa na Kenya n’inota 1, inganya na u Burundi na Kenya naho Rwanda na Uganda nta nota zifite.

Mu bahungu batarengeje imyaka 16, ikipe y’u Rwanda irayoboye n’amanota 2, ikurikirwa n’u Burundi na Uganda zinganya inota rimwe naho Tanzania na Kenya nta nota zifite.

Mu bakobwa batarengeje imyaka 16, Kenya irayoboye n’amanota 2, iyanyanga n’u Rwanda, hakaza Tanzania na Uganda zinganya inota 1 naho u Burundi na Comoros nta nota zifite.

  • Imvaho Nshya
  • Gicurasi 6, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE