Mu rwego rwo gukomeza kwitegura shampiyona y’Afurika mu mukino wa Taekwondo “African Taekwondo Senior Championships 2022” izabera mu Rwanda taliki 13-14 Nyakanga 2022, abakinnyi b’u Rwanda ku butumire bw’ishyirahamwe ry’umukino wa Taekwondo muri Uganda “UTF” bitabiriye irushanwa “Uganda Open 2022” bitwara neza begukana imidali 4.
Muri iri rushanwa ryabereye i Kampaka taliki 27-28 Mata 2022, Niyomugabo Happy wahatanye mu cyiciro cy’abatarengeje ibiro 63 yegukanye umudali wa zahabu. Nizeyimana Savio mu bari munsi y’ibiro 74, Umutesi Adeline wahatanye mu cyiciro cy’abari munsi y’ibiro 68 na Tuyisenge Badrou wahatanye mu cyiciro cy’abari munsi y’ibiro 80 buri wese yegukanye umudali w’Umuringa.
Uretse iyo midali, ikipe y’u Rwanda yegukanye igihembo cy’ikipe yagaragaje ikinyabupfura kurusha izindi “Most Disciplined Team of the Tournament”.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE