‘Tadej Pogačar’ yegukanye Tour de France 2026, akomeza kuyandikamo amateka

Tadej Pogačar ukomoka muri Slovenia, yegukanye isiganwa rya ‘Tour de France 2026’ yuzuza inshuro ya gatanu ayitwara mu mateka ye. 

Ku Cyumweru tariki ya 26 Nyakanga 2026, ni bwo mu Bufaransa hakiniwe Agace ka 21 ka Tour de France katurukaga i Thoiry kerekeza Champs-Élysées i Paris ku ntera y’ibilometero 88,7.

Aka gace kegukanywe na Mathieu van der Poel ukinira Alpecin–Premier Tech, wakoresheje isaha imwe, iminota 58 n’amasegonda 49 ku ntera y’ibilometero 40.

Tadej Pogačar wari wambaye umwambaro w’umuhondo yasoje irushanwa akoresheje amasaha 73, iminota 56 n’amasegonda 26, yakurikiwe n’Umubiligi Remco Evenepoel yarushije iminota itandatu n’amasegonda 26.

Pogačar yabaye umukinnyi wa gatanu mu mateka wegukanye iri siganwa rikomeye mu Isi inshuro eshanu nyuma ya Jacques Anquetil, Eddy Merckx, Bernard Hinault na Miguel Indurain.