Simba Queens SC yabonye itike y’igikombe cy’Afurika, AS Kigali isoreza ku mwanya wa 4

Simba Queens SC yabonye itike y’igikombe cy’Afurika, AS Kigali isoreza ku mwanya wa 4
Ikipe ya Simba Queens SC

Kuva taliki 14 kugeza 27 Kanama 2022  i Dar Es Salaam muri Tanzania habereye i irushanwa ryo gushaka itike y’imikino y’Afurika y’amakipe yabaye aya mbere iwayo mu cyiciro cy’abagore  mu Karere k’Afurika y’Iburasirazuba “CAF Women’s Champions League Qualifiers CECAFA zone Tanzania 2022”.

Iyi mikino yari yitabiriwe n’amakipe 8 aho yari agabanyijwe mu matsinda abiri. Itsinda A ryari ririmo  ikipe ya Commercial Bank E. FC (Ethiopia), Warriors Quens FC (Zanzibar), Fofila PF (Burundi) na AS Kigali (Rwanda) naho itsinda B ririmo  Simba Queens SC (Tanzania), Garde Republicaine FC (Djibouti), She Corporates (Uganda) na Yei Joint Stars FC (South Sudan).

 Ikipe ya Simba Queens SC yo muri Tanzania ni yo yegukanye igikombe itsinze ku mukino wa nyuma ikipe ya  She Corporates yo muri Uganda  igitego 1-0. Iyi kipe ya  Simba Queens SC yari  yageze ku mukino wa nyuma itsinze ikipe ya AS Kigali yo mu Rwanda muri ½  ibitego 5-1.

 Uko ikipe ya AS Kigali yitwaye

Ikipe ya AS Kigali yari yaserukiye u Rwanda yitwaye neza mu itsinda A ikomeza muri ½ , iyi kipe yatsinze Fofila PF y’i Burundi ibitego 2-1 inatsinda Warriors Quens FC yo muri Zanzibar ibitego 3-0 nyuma itsindwa na Commercial Bank E. FC yo muri Ethiopia  ibitego 2-0.

Muri ½ , AS Kigali yatsinzwe na Simba Queens SC ibitego 5-1 nyuma mu guhatanira umwanya wa 3  itsindwa  na Commercial Bank E. FC ibitego 3-1.

Ikipe ya AS Kigali yasoreje ku mwanya wa 4
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19