Ikipe ya Rayon Sports yatangaje ko yasinyishije Elie ‘Eldinho’ Mokono wakinaga muri ‘Fountain Gate’ yo muri Tanzania, amasezerano y’umwaka umwe.
Ku mugoroba wo kuri uyu wa Gatanu, tariki ya 14 Kanama 2026, ni bwo iyi kipe yatangaje ko yungutse uyu mukinnyi mu gihe yitegura umwaka w’imikino wa 2026/27.
Uyu mukinnyi w’imyaka 24 ukinira Ikipe y’Igihugu y’u Burundi yiyongereye kuri Muderi Akbar, Ibrahim Mansouru Djingarey, Issa Djiguiba na Nisingizwe Christian basanzwe bakina mu kibuga hagati muri iyi kipe.
Uretse kuba yakiniraga Fountain Gate kuva muri Kanama 2024 yanyuze no muri Bumamuru FC y’iwabo i Burundi.
Iyi kipe ya Rayon Sports kandi iri kwitegura imikino ya gicuti irimo uwa Mathare United yo muri Kenya ku Cyumweru tariki ya 16 Kanama 2026, ndetse na Super Coupe izakinwa hagati ya tariki na 22 na 28 Kanama 2026, aho izatangira ikina na Police FC.
Nyuma y’iyi mikino izatangira urugendo rwa Shampiyona na CAF Confederation Cup ya 2026/27, aho yatomboye Panthère Sportive du Ndé yo muri Cameroun mu ijonjora rya mbere.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE