Ikipe ya Rayon Sports yatangaje ko Umunsi w’Igikundiro “Rayon Sports Day” muri uyu mwaka wa 2026, uteganyijwe ku wa Gatandatu, tariki ya 18 Nyakanga wakuwe kuri Stade Amahoro wimurirwa kuri Kigali Pelé Stadium.
Mu ijoro ryo kuri uyu wa Gatanu, tariki ya 10 Nyakanga 2026, ni bwo Ubuyobozi bwa Rayon Sports bwasohoye itangazo bwemeza ko gahunda bwari bufite yo gutegurira ibirori kuri Stade Amahoro yashyizwe kuri Kigali Pele Stadium.
Rigira riti: “Ubuyobozi bwa Rayon Sports FC buramenyesha abakunzi bayo, abafatanyabikorwa n’abakunzi b’umupira w’amaguru muri rusange, ko habayeho impinduka ku kibuga kizaberaho ibirori ngarukamwaka bya ‘Rayon Sport Day’ biteganyijwe ku itariki ya 18 Nyakanga 2026.
Ibi birori byari biteganyijwe kubera kuri Stade Amahoro, byimuriwe kuri Kigali Pelé Stadium, amasaha, gahunda n’ibirori byateganyijwe bikomeje nk’uko byari biri.”
Ikipe ya ‘Gor Mahia FC’ yo muri Kenya ni yo yatumiwe na Rayon Sports mu mukino mpuzamahanga wa gishuti uzasoza ibirori ngarukamwaka by’Umunsi w’Igikundiro.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE