Perezida Kagame yahaye Andrew Nyamvumba ipeti rya Brigadier General

Perezida wa Repubulika akaba n’Umugaba w’Ikirenga w’Ingabo z’u Rwanda Paul Kagame, yazamuye mu ntera Andrew Nyamvumba amuha ipeti rya Brigadier General mu ngabo z’ u Rwanda avuye ku ipeti rya Colonel yaherukaga guhabwa muri Kanama 2018.

Icyo gihe Andrew Nyamvumba wazamuwe mu ntera avuye ku iperi rya Lt. Col., ni na bwo yari yabanje kugirwa Umuyobozi w’Ishami rishinzwe Ubutasi bwa gisirikare ruhabwa (J2).

Mbere y’uko agirwa umuyobozi w’Urwego rw’Ubutasi mu gisirikare, Brig Gen Andrew Nyamvumba yari Umuyobozi ushinzwe Imikorere (Head of Strategy) mu biro bya Perezida.

Itangazo ryaturutse mu buyobozi bw’Ingabo z’u Rwanda (RDF) kuri uyu wa Gatanu taliki ya 19 Kanama, rigaragaza ko izo mpinduka zo kugirwa Brigadier General zihise zishyirwa mu bikorwa.