Perezida Kagame na Madamu Jeannette Kagame bunamiye Intwari z’u Rwanda (Amafoto)

Perezida Kagame na Madamu Jeannette Kagame bunamiye Intwari z’u Rwanda (Amafoto)
Perezida Kagame na Madamu Jeannette Kagame bunamiye Intwari z'Igihugu

Perezida wa Repubulika Paul Kagame na Madamu Jeannette Kagame bashyize indabo ku Kimenyetso cy’Ubutwari kiri ku Gicumbi cy’Intwari z’u Rwanda, baranazunamira mu rwego rwo kuzisingiza no kurata ibigwi byazo.

Ni umuhango wabaye kuri iki Cyumweru, tariki ya 1 Gashyantare 2026, ubera i Remera ku Gicumbi cy’Intwari.

Witabiriwe n’abayobozi bakuru mu nzego z’igihugu barimo Minisitiri w’Intebe, Dr. Nsengiyumva Justin, Perezida w’Umutwe w’Abadepite mu Nteko Ishinga Amategeko, Kazarwa Gerturde, Perezida wa Sena, François-Xavier Kalinda, Perezida w’Urukiko rw’Ikirenga, Domitilla Mukantaganzwa, Umugaba Mukuru w’Ingabo z’u Rwanda Gen Mubarak Muganga, Umuyobozi Mukuru wa Polisi y’Igihugu CG Felix Namuhoranye n’abandi.

Perezida Kagame na Madamu Jeannette Kagame ni bo bashyize indabo ku Kimenyetso cy’Ubutwari, bakurikirwa n’uhagarariye abahagarariye ibihugu byabo mu Rwanda.

Intwari u Rwanda rwizihiza kandi rukazirikana ziri mu byiciro bitatu, birimo Imanzi, Imena n’Ingenzi.

Icyiciro cy’Imanzi kirimo intwari zitakiriho zirimo Umusikare Utazwi izina, uhagarariye abasirikare bose baguye ku rugamba barwanira ineza y’u Rwanda.

Iki cyiciro kandi kirimo Maj. Gen. Fred Gisa Rwigema, wayoboye urugamba rwo kubohora Igihugu rwatangiye ku wa 1 Ukwakira mu 1990.

Icyiciro cy’Imena kirimo Umwami Mutara wa III Rudahigwa Charles Léon Pierre, Intwari Michel Rwagasana, Uwiringiyimana Agatha, Intwari Félicité Niyitegeka n’Abanyeshuri b’i Nyange.

Icyiciro cy’Ingenzi nta ntwari yari yagishyirwamo, gusa haracyakorwa ubushakashatsi bwo kugira ngo bemezwe.

Umunsi w’Intwari wizihizwa tariki ya 1 Gashyantare buri mwaka.

Kuri iyi nshuro ya 32 ifite insanganyamatsiiko igira iti: ”Ubutwari n’Ubumwe bw’Abanyarwanda, inkingi z’iterambere.”

Ubwo Perezida Kagame na Madamu Jeanette Kagame bageraga ku Gicumbi cy’Intwari giherereye i Remera mu Karere Ka Gasabo
Abayobozi batandukanye bari bitabiriye uyu muhango
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Inyubako 5 zari zarafunzwe i Kigali kubera inkongi zemerewe kongera gukora 13 Ugushyingo 2026 Saa 17:45
  2. Abanyeshuri 68 ba Rwanda Coding Academy batangiye Itorero Intagamburuzwa 13 Ugushyingo 2026 Saa 17:13
  3. Burera: Baranenga abagabo bishora mu bucuruzi bw’ibiyobyabwenge bashaka indonke yihuse 13 Ugushyingo 2026 Saa 16:58
  4. Pochettino yagizwe Umutoza Mukuru wa Manchester United 13 Ugushyingo 2026 Saa 16:10
  5. TMC yifashishije inyikirizo y’indirimbo ya Nyiranyamibwa mu ndirimbo nshya 13 Ugushyingo 2026 Saa 15:39