Ikipe ya New York Knicks yegukanye Igikombe cya Shampiyona ya Basketball muri Leta Zunze Ubumwe za Amerika (NBA), kiba igikombe cya mbere itwaye nyuma y’imyaka 53.
Iyi kipe yabigezeho nyuma yo gutsinda San Antonio Spurs amanota 94-90 mu mukino wa gatanu wakinwe mu rukerera rwo kuri iki Cyumweru tariki ya 14 Kamena 2026.
Muri uyu mukino wa gatanu, New York Knicks yatabawe na Jalen Brunson watsinze amanota 45 arimo 14 yo mu gace ka kane.
Mu ruhererakane rw’imikino irindwi hagamijwe gutanguranwa intsinzi enye, New York Knicks ni yo yitwaye neza itsinda imikino 4-1.
Knicks yatsinze umukino wa kane iturutse inyuma aho yarushwaga amanota 29 ndetse no kuri uyu mukino wa gatanu byayisabye gutsinda iturutse inyuma.
Ni igikombe cya gatatu iyi kipe yegukanye, dore ko yaherukaga gutwara icyo mumu 1970 na 1973.
Jalen Brunson ukinira New York Knicks, yabaye umukinnyi witwaye neza kurusha abandi muri iyi mikino ya nyuma yo kugira impuzandengo y’amanota 32,6, iya 4,6 muri ’assists’ na 4,2 muri ’rebounds’.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE