Mutuyimana Sandrine yerekeje muri Yanga Princess yo muri Tanzania

Rutahizamu w’Ikipe y’u Rwanda y’abagore, Mutuyimana Sandrine, yamaze kwerekeza muri Tanzania aho agiye gukinira ikipe y’abagore ya Young Africans, Yanga Princess, ndetse yasinye amasezerano y’imyaka itatu.

Kuri uyu wa Gatanu, tariki ya 21 Kanama 2026, ni bwo iyi kipe yo muri Shampiyona y’Icyiciro cya Mbere mu Bagore muri Tanzania yatangaje ko yungutse uyu mukinyi mushya uzayifasha guhera mu mwaka w’imikino wa 2026/27.

Uyu mukinnyi w’imyaka 20 wakiniraga Inyemera WFC, yasimbuye mugenzi we w’Umunyandakazi Mukandayisenga Jeannine ‘Kaboy’ uheruka kuyivamo yerekeza mu Bushinwa.

Mu mwaka ushize w’imikino wa 2025/26, Yanga Princess yasoreje ku mwanya wa kabiri inganya amanota 50 na Simba SC ya mbere yayirushije ibitego bine yari izigamye.