Minisitiri Dr Nsengiyumva yaganiriye n’Umuyobozi wa GX Foundation

Minisitiri w’Intebe, Dr Nsengiyumva Justin, yagiranye ibiganiro na Leung Chun-Ying, Umuyobozi Mukuru wa GX Foundation, byagarutse ku mahirwe y’imikoranire mu guteza imbere urwego rw’ubuzima mu Rwanda.

Ni ibiganiro byabaye kuri uyu wa 15 Mutarama 2026.

Ibiro bya Minisitiri w’Intebe byatangaje ko baganiriye ku mahirwe y’imikoranire mu guteza imbere urwego rw’ubuzima mu Rwanda.

GX Foundation ni umuryango mpuzamahanga washinzwe mu 2018, ukora ibikorwa by’ubugiraneza bigamije gutanga ubufasha mu rwego rw’ubuvuzi n’ubuzima rusange hagamijwe kongera imbaraga aho bikenewe.