Kiyovu 1-0 Mukura
Rayon Sports 0-0 Musanze FC (4-2)
Taliki 09-10-2022
Umwanya wa gatatu
Mukura-Musanze FC (Nyamirambo-15h00)
Umukino wa nyuma
Kiyovu-Rayon Sports (Nyamirambo-18h00)
Ikipe ya Rayon Sports na Kiyovu ni zo zizakina umukino wa nyuma mu irushanwa “Made in Rwanda Cup 2022” ryateguwe n’ishyirahamwe ry’umupira w’amaguru “FERWAFA” ku bufatanye n’Ikigo cy’Igihugu Gitsura Ubuziranenge “RSB” muri gahunda y’ubukangurambaga mu gukomeza guteza imbere ibikorerwa mu Rwanda “Made in Rwanda”.
Mu mikino ya ½ yabaye kuri uyu wa Gatanu taliki 07 Ukwakira 2022, ikipe ya Rayon Sports yasezereye Musanze FC kuri penaliti 4-2 nyuma yo kunganya 0-0.
Ikipe ya Kiyovu yo yitwaye neza isezerera ikipe ya Mukura ku gitego 1-0 cyatsinzwe na Serumugo Ally.
Irushanwa “Made in Rwanda Cup 2022” rizasoza ku Cyumweru taliki 09 Ukwakira 2022 aho ikipe ya Rayon Sports izakina na Kiyovu (18h00) naho ikipe ya Mukura ikine na Musanze FC (15h00) mu guhatanira umwanya wa gatatu.
Ikipe izatsinda izegukana igikombe ihabwe na miliyoni 5 z’amafaranga y’u Rwanda, iya kabiri izahabwa miliyoni 4, iya gatatu ihabwe miliyoni 3 naho iya 4 ihabwe miliyoni 2.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE