Kung Fu:  u Rwanda rwungutse abasifuzi babiri bari ku rwego mpuzamahanga

  • Imvaho Nshya
  • Kamena 18, 2023
  • Hashize amezi 11
Image

Ishyirahamwe ry’umukino wa Kung Fu Wushu mu Rwanda “RKWF” ryungutse abasifuzi babiri bari ku rwego mpuzamahanga.

Aba basifuzi babiri,  Iryamukuru Festus na Sibomana Abdalah babonye uruhushya rubemerera kuba abasifuzi mpuzamahanga rwo ku rwego rwa kabiri “Licence B” nyuma y’amahugurwa bitabiriye i Cairo mu Misiri  “International Wushu Judges Training course & Certification” kuva taliki 08 kugeza 14 Kamena 2023.

Ubwo bagarukaga mu Rwanda, taliki 15 Kamena 2023 bagaragaje ko bagiye kunoza umurimo wabo ariko bakazanafasha  bagenzi babo kunoza imisifurire mu marushanwa atandukanye abera imbere mu gihugu n’ahandi hose mu mahanga  bashobora kwitabazwa.

Aya mahugurwa yari yahuje abasifuzi benshi baturutse mu bihugu bigera kuri 45 byo hirya no hino ku isi.

  • Imvaho Nshya
  • Kamena 18, 2023
  • Hashize amezi 11
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE