Kicukiro: Bibukijwe ko FPR-Inkotanyi yavukiye gukemura ibibazo

  • NTAWITONDA JEAN CLAUDE
  • Ukuboza 5, 2022
  • Hashize umwaka 1
Image

Umutesi Solange, Chairperson w’Umuryango FPR Inkotanyi mu Karere ka Kicukiro mu Mujyi wa Kigali, yibukije abanyamuryango ko FPR Inkotanyi yavutse mu rwego rwo gukemura ibibazo by’imiyoborere mibi byari mu Rwanda, akomoza ku kugira isuku.

Yabigarutseho mu gikorwa cy’umuganda wabaye kuri uyu wa Gatandatu tariki 03 Ukuboza 2022. Ni umuganda wabereye mu kagari ka Kagina mu murenge wa Kicukiro, witabirwa n’abanyamuryango ba FPR Inkotanyi mu rwego rwo kwizihiza imyaka 35 Umuryango FPR Inkotanyi umaze ubayeho.

Yagize ati ‘Igikorwa cyakowe gihuye n’imyaka 35 Umuryango FPR Inkotanyi umaze ubayeho, tukaba turimo twizihiza iyi myaka.

FPR ivuka yaje gukemura ibibazo, wavutse mu bihe bidasanzwe. Nk’abanyamuryango turasabwa kuba ibisubizo by’aho dutuye”.

Umutesi, chairperson w’Umuryango FPR Inkotanyi, akomeza agira ati “Turasabwa kugira isuku, iyo dukoze isuku tuba turimo dukemura ibibazo by’umutekano muke aho dutuye”.

Asaba abitabiriye umuganda gukomereza aho. Asobanura ko Mu myaka 35 hamaze gukorwa ibintu byinshi kandi ngo n’amahanga arabizi.

Ati “Twasaguriye amahanga umutekano”.

Nkerabigwi Potien umwe mu bitabiriye umuganda, yishimira ko yateye intambwe idasubira inyuma kuri ubu akaba yakoze umuganda ari umunyamuryango wa FPR Inkotanyi.

Ati “Twakoze umuganda mu rwego rwo gufatanya n’ubuyobozi kwiyubakira igihugu  no kugiteza imbere nk’urubyiruko. Nishimira kandi ko nkoze umuganda ndi umunyamuryango wa FPR Inkotanyi byuzuye”.

Kuri we inyungu zo gukora umuganda ni uguteza imbere igihugu no gukora ibikorwa bituma tuzamura igihugu cyacu bitewe n’aho dushaka kukiganisha.

Imanishimwe Clemence avuga ko ikimushimishije ari uko muri ibi bihe abanyamuryango ba FPR Inkotanyi bishimiye imyaka 35 Umuryango FPR Inkotanyi umaze ubayeho.

Akomeza agira ati “Ikindi kinshimishije, iyo urebye muri iyi myaka 35 ishize, tugeze aheza hashimishije, iterambere rigaragarira buri wese.

Urubyiruko twahawe ijambo kandi chairman w’Umuryango FPR Inkotanyi Paul Kagame adukunda twese, ibyo ni ibintu tuzi kandi bigaragarira buri wese. Ikindi nuko intore izirusha intambwe idutoza gukunda igihugu, ibyo nibyo nishimira”.

Akomeza avuga ko ngo iyo ukunda igihugu uba ugomba no kugikorera ukora umuganda ariyo mpamvu bazakomeza kujya bitabira gahunda za Leta.

Agira inama bagenzi be gukunda igihugu no kugikorera kuko ngo ari cyo mubyeyi wabo.

  • NTAWITONDA JEAN CLAUDE
  • Ukuboza 5, 2022
  • Hashize umwaka 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE