Imikino ihuza za Banki mu Rwanda yongeye gukinwa nyuma y’imyaka itatu

  • Imvaho Nshya
  • Nzeri 4, 2022
  • Hashize imyaka 2
Image

Kuva  taliki 03 Nzeri kugeza 01 Ukwakira  2022, ihuriro rya za Banki zikorera mu Rwanda “RBA” ryongeye gutegura  irushanwa rihuza za Banki zikorera mu Rwanda nyuma y’imyaka itatu ritaba kubera COVID-19.

Iri rushanwa rihuza za Banki zikorera mu Rwanda  “Interbank Sports Tournament 2022” ryitabiriwe na Banki 10 muri 15 zigize ihuriro.

Muri iri rushanwa hateganyijwe guhatana mu mikino 4 ari yo umupira w’amaguru, Volleyball, Basketball ndetse no Koga ‘Swimming”.  Uretse mu cyiciro cyo Koga  ahandi hose ni amakipe y’abagabo gusa.

Imikino ihuza za Banki  “Interbank Sports Tournament 2022” izakinira ku bibuga bya IPRC Kigali, Kuri Sitade Mumena no muri Notre Dame des Anges i Remera .

Amakipe yatabiriye mu mikino itandukanye

Mu mupira w’amaguru hitabiriye amakipe 8 agabanyije mu matsinda abiri. Itsinda A ririmo Urwego, Bank of Africa, BK na Congebanque naho itsinda B ririmo Equity Bank, Acces Bank, I&M Bank na BPR. Amakipe azakina imikino y’amajonjora mu matsinda,  amakipe 2 ya mbere akomeze muri ½ cy’irangiza.

Imikino y’amajonjora izasozwa taliki 19 Nzeri 2022 hanyuma taliki 24 na 25 Nzeri 2022 habe imikino ya ½  ubundi taliki 01 Ukwakira 2022 habe umukino wo guhatanira igikombe  uzabanzirizwa n’uwo guhatanira umwanya wa 3.

Muri Basketball hitabiriye 7 ashyirwa mu matsinda abiri, itsinda A ririmo BK, I&M Bank na Cogebanque naho itsinda B ririmo Equity Bank, BPR, Ecobank na Access Bank.

Aha imikino y’amajonjora mu  matsinda izasozwa taliki 17 Nzeri 2022 hanyuma taliki 25 Nzeri 2022 habe imikino ya ½ ubundi taliki 01 Ukwakira 2022 habe umukino wa nyuma n’uwo guhatanira umwanya wa  gatatu.

Muri Volleyball hitabiriye amakipe 4 ari yo BK, Congebank, Ecobank na BPR. Aya makipe agomba gukina hahati yayo  kugeza taliki 18 Nzeri 2022.

Mu mikino ya ½ iteganyijwe taliki 25 Nzeri 2022, ikipe ya mbere izakina n’iya 4 hanyuma iya kabiri ikine n’iya 3 izitwaye neza zihurire ku  mukino wa nyuma taliki 01 Ukwakira 2022.,

Mu Koga “Swimming” irushanwa rizaba  taliki 01 Ukwakira2022 guhera saa tatu (09h00). Abazarushanwa bazakina mu byiciro bitandukanye birimo “Freestyle”,  “Backstroke”, Breaststroke” na “Butterfly”.

Natacha Haguma, Umuyobozi  wa Kompanyi, GLS ifatanya na RBA  gutegura iri rushanwa yatangaje ko iyi mikino  yari imaze iminsi itaba kubera COVID-19  ari ko ubu yagarutse kandi bizeye ko izagenda neza.

Natacha Haguma (uwa kabiri uhereye iburyo), Umuyobozi  wa GLS

Yakomeje avuga ko intego nyamukuru y’iyi mikino ari ugufasha abakozi ba za Banki  gukora siporo kugira ngo bashobore kunoza akazi kabo ka buri munsi.

Muri iri rushanwa hazabaho gupima uko ubuzima buhagaze ku bakozi bose ba za Banki.

Iri huriro rya za Banki mu Rwanda « RBA »ryatangiye muri 2009  naho imikino ihuza  izi Banki itangira gukinwa muri 2015.

  • Imvaho Nshya
  • Nzeri 4, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE