Imfashanyigisho ziha umunyeshuri umwanya zizafasha kugera ku ireme ry’uburezi

  • NTAWITONDA JEAN CLAUDE
  • Werurwe 11, 2022
  • Hashize imyaka 2
Image

Ikigo cyIgihugu gishinze Uburezi bwIbanze(REB) gikomeje gutanga imfashanyigisho hirya no hino mu gihugu mu bigo by’amashuri abanza ndetse n’ayisumbuye, hagamijwe ko abana biga bivumburira ubwabo bifashishije ibikoresho, bityo bikaba bizatuma ireme ry’uburezi ryifuzwa rigerwaho.

Ari abarezi kimwe n’abanyeshuri bagaragaza icyo imfashanyigisho zizabamarira byose biganisha ku myigishirize n’imyigire myiza.

Hagamijwe gukomeza gushyigikira ishyirwa mu bikorwa ry’integanyanyigisho zishingiye ku bushobozi bw’umunyeshuri (CBC: Competence Based Curriculum), REB ikomeje gukwirakwiza ibikoresho by’imibare mu mashuri abanza n’ayisumbuye mu Karere ka Bugesera.

Umuyobozi w’Urwunge rw’amashuri rwa Murama, (G.S Murama), Tuyambaze Beatha yavuze ko ibikoresho bahawe bizafasha abana kwiga neza babireba kandi babikoresha.

Yagize ati: “Twishimiye kwakira ibi bikoresho, abanyeshuri bacu  baziga imibare bareba kandi bakora ku bikoresho bimwe na bimwe. Iyi nteganyanyigisho iha umwana umwanya, akagaragaza ubushobozi bwe, aho kwiga gusa binyuze mu myitozo bibera mu ishuri”.

Umukunzi Doreen, umunyeshuri mu Rwunge rw’amashuri Nyamata Catholique (G.S Nyamata Catholique) yavuze ko we inzozi ze ari ukuba umuganga kandi ko bizoroha kubera ko imfashanyigisho zizafasha abarezi n’abanyeshuri.

Ati: “Inzozi zanjye ni ukuba umuganaga. Ndababwiza ukuri, mwarimu wacu yahoraga arwana cyane no gushushanya ibishushanyo bimwe na bimwe ku kibaho ngo adusobanurire, ariko hamwe n’ibi bikoresho byose bizatworohera twese.

Mugisha Thierry we ufite inzozi zo kuba umwubatsi avuga ko ibikoresho bizamufasha kumva neza imibare bityo akazaba injenyeri.

Ati: “Mfite inzozi zo kuba umwubatsi. Nkunda imibare kuko nshaka kuba injeniyeri, numvise ko udashobora kuba injeniyeri keretse ubaye uzi neza imbare.Nabonye metero muri ibi bikoresho, ni ibikoresho nkunda”.

Umugwaneza Marie Claire we yavuze ko umuntu ataba umucuruzi atazi imibare.

Yagize ati: “Iyo uri mu bucuruzi, ibitekerezo byawe bikomeye bigomba kuba bikarishye kandi bihamye, ndetse binyuze mu masomo y’imibare nubwo ushobora gutoza ubwonko bwawe. Nta mibare nta bucuruzi”.

Mukunzi Doreen ugambiriye kuba umuganga
Umugwaneza Marie Claire, avuga ko nta mibare nta bucuruzi
Mugisha Thierry, ufite inzozi zo kuba injeniyeri
Imfashanyigisho zifasha mu myigire n’imyigishirize
  • NTAWITONDA JEAN CLAUDE
  • Werurwe 11, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE