Imbere ya Perezida Kagame RSSB Tigers yerekeje ku mukino wa nyuma wa BAL

Ikipe ya RSSB Tigers yerekeje ku mukino wa nyuma wa Shampiyona Nyafurika y’Umukino swa Basketball (BAL), nyuma yo gutsinda AL AHYL yo mu Misiri amanota 106 kuri 97 mu mukino wa ½ wabereye muri BK Arena kuri uyu wa 27 Gicurasi 2026.

Ni umukino waranzwe n’ishyaka ryinshi ndetse no gukotana byo ku rwego rwo hejuru kandi ku mpande zombi.

Ni ubwa mbere mu mateka ikipe yo mu Rwanda itsinze AL AHYL yo mu Misiri, akaba ari na bwo ba mbere igeze ku mukino wa nyuma wa BAL kuko iyabigerageje ari APR BBC kandi ntibyayihiriye.

Umukino ugitangira, ikipe ya RSSB Tigers yari itarafata umurongo neza, kuko mu minota itanu ibanza AL Ahyl yatsinze amanota 15 kuri 12 ya RSSB.

Nyuma yo kwisubiraho, agace ka mbere ku mukino (quarter) karangiye amakipe yombi anganya amanota 24 kuri 24.

Agace ka kabiri katangiye RSSB Tigers imaze kumva neza umukino, maze mu minota itanu ya mbere iba imaze gutsinda amanota 24 kuri 17 ya AL Ahy, ariko kose kaza kurangira  amakipe yombi anganyije amanota 50 kuri 50.

Nyuma y’akaruhuko, amakipe yombi yagarukanye imbaduko maze agace ka gatatu, karangira amakipe yombi amaze gutsindana amanota 80 ya RSSB Tigers kuri 76 ya Al Ahyl SC yo mu Misiri.

Agace ka kane ari na ko gasoza umukino karangiye RSSB imaze gutsinda amanota 106 kuri 97 ya Al Ahyl maze iba bidasubirwaho yerekeje ku mukino wa nyuma wa (BAL) Basketball Africa Leauge.

Ikipe ya RSSB Tigers izakina umukino wa nyuma n’izatsinda hagati ya Petro de Luanda yo muri Angola ndetse na AL AHYL yo muri Libiya zizahura ku munsi w’ejo ku wa 28 Gicurasi 2026, muri BK Arena.