Leta yafashe umwanzuro wo kongera igihe cyo kwishyura umusaro ku mutungo utimukawa w’ubutaka, aho kuba taliki ya 31 Ukuboza 2022 ku buryo bitazarenza italiki ya 31 Mutarama 2023 nk’uko byatangajwe na Minisiteri y’Imari n’Igenamigambi.
Mu itangazo ryashyizwe ahabona n’iyo minisiteri, Minisitiri Dr. Uzziel Ndagijimana yasobanuye ko imisoro ku butaka ikomeza kuguma uko iri, kubera ko icyorezo cya Covid-19 cyakomye mu nkokora ubushobozi bw’abaturage.
Yagarutse ku mpamvu y’ubwo bushobozi, aho ibiciro ku masoko byazamutse kubera intambara yo muri Ukraine n’ u Burusiya cyane nabyo Leta ikaba yagumishijeho imisoro isanzwe aho kurikiza itegeko rishya ry’umusoro ku butaka.
Dr. Ndagijimana yagize ati, “Nyuma yo gukomeza gusunika ishyirwa mu bikorwa ry’iteka rya Minsitiri w’Imari rishyiraho imisoro y’ubutaka, izo ngaruka zose zatumye dufata umwanzuro wo gukomeza gusora asanzwe, kandi abaturage bazarushaho kubyishimira”.
Yongeraho ati, “Leta yorohereje abaturage ngo bagumane ibiciro byari bisanzwe mu myaka ibiri ishize, Leta yanongereye ho ukundi kwezi kugeza mu kwezi kwa Mutarama 2023 abaturage basora amafaranga asanzwe, kuko ubundi umusoro ku butaka wagombaga kwishyurwa bitarenze Ukwakira 2022”.
Umusoro ku mutungo utimukanwa w’ubutaka ugena ko umuntu ufite inzu mu butaka bwagenewe guturaho, yishyura amahoro agenwa n’Inama Njyanama z’Uturere bitewe n’imiterere y’ikibanza n’agaciro k’ahantu.
Ikindi ni uko uwo musoro kandi uteganya ko umuntu ufite inzu yo guturamo atayisorera, ariko izindi nzu afite zikodeshwa zirasorerwa.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE