Handball : Ikipe y’u Rwanda na Misiri zigiye guhatanira igikombe cy’Afurika

  • Imvaho Nshya
  • Nzeri 6, 2022
  • Hashize imyaka 2
Image

Libiya 24-20 Madagascar

Uganda 31-44 Algeria

Taliki 06-09-2022

Umwanya wa gatatu

Burundi-Maroc (BK Arena-17h00)

Umukino wa nyuma

Misiri-Rwanda (BK Arena-19h00)

Kuri uyu wa Kabiri taliki 06 Nzeri 2022 ni bwo hasozwa imikino y’Afurika mu bahungu batarengeje imyaka 18 mu mukino wa Handball « U-18 African Men’s Handball Championship Rwanda 2022 », iyi mikino ikaba yaratangiye taliki 31 Kanama 2022.

Ikipe y’u Rwanda nyuma yo kwitwara neza ikagera ku mukino wa nyuma ku nshuro ya mbere  igiye gukina na Misiri umukino wo guhatanira igikombe. Uyu mukino urabera muri BK Arena guhera saa moya (19h00).

Aya makipe yombi, u Rwanda na Misiri yari mu itsinda rimwe B  aho umukino wayahuje, ikipe ya Misiri yatsinze u Rwanda ibitego 44 kuri 30.

Ikipe ya Misiri  ifite iki gikombe ubwo giheruka gukinirwa muri 2018  ni yo ihabwa amahirwe kuko kugeza ubu nta bwo iratakaza umukino n’umwe muri iri rushanwa.

Ku ruhande rw’ikipe y’u Rwanda yagaragaje imbaraga ubwo yanganyaga n’ ikipe ya Algeria ibitego 30-30 mu mukino wo mu matsinda ndetse n’umukino wa ½  yatsinzemo Maroc ibitego 35 kuri 34.

Mbere y’uyu mukino wa nyuma, hateganyijwe umukino wo guhatanira umwanya wa 3 ugomba guhuza ikipe y’u Burundi na Maroc. Umukino uratangira saa kumi n’imwe (17h00).

Uko imikino yo guhatanira imyanya yagenze

Ku wa Mbere taliki 05 Nzeri 2022 habaye imikino yo guhatanira imyanya. Ikipe ya Algeria yegukanye umwanya wa 5 itsinze Uganda ibitego 44 kuri 31 naho ikipe ya Libiya yegukana umwanya wa 7 itsinze Madagascar ibitego 24 kuri 20.

Ubwo Uganda yakinaga na Algeria mu guhatanira umwanya wa 5
Libiya yegukanye umwanya wa 7 itsinze Madagascar
  • Imvaho Nshya
  • Nzeri 6, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE